+7 (701) 759 90 19
USD 399.67 EUR 452.95
RUB 5.82 CNY 56.36
Jańalyqtar

Nur-Sultanda karantın rejımi jeńildemeıdi

2020 jylǵy 23 mamyr 15:51
Bólisińiz:
Nur-Sultanda karantın rejımi jeńildemeıdi

NUR-SULTAN. QazAqparat - Elordada karantın rejımi jeńildetilmeıdi. Qala turǵyndary sanıtarlyq normalardy qatań saqtaýy kerek. Bul týraly Nur-Sultan qalasy ákimdiginiń Instagram paraqshasynda jazyldy, dep habarlaıdy QazAqparat.

Qala aýmaǵynda blokpostar jumysyn jalǵastyra beredi. Polıtsııa quramy qalany kúzetip, kásiporyndardyń sanıtarlyq normalardy saqtaýyn baqylap, turǵyndar arasynda túsindirý jumystaryn júrgizip jatyr. Dárigerler, volonterler kúsheıtilgen rejımde jumys isteýde.

Búgin qala ákimi Altaı Kólginov koronavırýstyń taralýyna qarsy áreket boıynsha jınalys ótkizdi.⠀

«Karantın rejımin jeńildetkeli beri kóshelerde kóp adam júr. Kún saıyn júrgiziletin reıd nátıjesi boıynsha bári birdeı sanıtarlyq normany saqtamaıtyny anyqtaldy: sanıtarlyq-epıdemıologııalyq talaptardy saqtamaý saldarynan 26 nysan jabyldy. Negizinen dámhana, meıramhana, qonaq úı jáne basqalar. 150-den astam ónerkásip eskertý alyp, belgili bir bóligine aıyppul salyndy», - deıdi qala ákimi.

Reıd júrgizý barysynda saıabaqtarda adam kóp jınalatyny jáne maskasyn júretini anyqtalǵan. Bul ınfektsııanyń keń taralýyna ákep soǵýy múmkin. Mundaı jaǵdaıda dárigerlerge aýrýdy ýaqytyly anyqtap, oqshaýlaý qıyn soǵady. ⠀

«Osyǵan baılanysty polıtsııa qyzmetkerleri kúsheıtilgen rejımde jumysyn jalǵastyryp, turǵyndarǵa túsindirý jumystaryn júrgize berýi kerek. Jumys isteýge ruqsat etilgen kompanııalardyń jumysy kún saıyn monıtorıngten ótýi kerek. Sanıtarlyq normalardy saqtamaǵan nysandar jabylady. Aýrý juqtyrý qaýpi áli bar, qazir bosańsıtyn kez emes», - deıdi Altaı Kólginov.

Ol eń aldymen ózińniń jáne jaqyndaryńnyń densaýlyǵyna áleýmettik jaýapkershilikpen qaraý kerek ekenin aıtty. Ókinishke qaraı, koronavırýspen aýyrǵandardyń 40% - 18-30 jas aralyǵyndaǵy, 36% - 30-50 jas aralyǵyndaǵy adamdar.

«Koronavırýsty tumaý sııaqty qabyldamaý kerek. Bul dert buryn sozylmaly aýrýy bolmaǵan jas adamnyń densaýlyǵyn sanaýly kúnde-aq nasharlatyp jiberýi múmkin. Ózińdi oqshaýlaý men sanıtarlyq normalardy saqtaý ǵana burynǵy qalypty ómirge tezirek oralýymyzǵa kómektese alady», - deıdi ol.


Bizdiń kanalymyzǵa jazylyńyz:

Bólisińiz:

Avtor:

Zarına Qaharman

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT