+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Nur-Sultan kóshelerinde smaılık baǵdarshamdar paıda boldy

2021 jylǵy 7 mamyr 16:00
Bólisińiz:
Nur-Sultan kóshelerinde smaılık baǵdarshamdar paıda boldy

NUR-SULTAN. QazAqparat - Shubar turǵyn alabyndaǵy Kosmonavtar kóshesi boıynda avtokólik jyldamdyǵyn shekteý úshin kóterińki jaıaý júrginshiler ótkeli (pandýs) ornatyldy. Bul jumys jol qozǵalysy qaýipsizdigin qamtamasyz etý jáne apat qaýpin azaıtý maqsatynda júrgizildi, dep habarlaıdy QazAqparat qala ákimdiginiń resmı saıtyna silteme jasap.

Uqsas jańalyqtar

Jol qozǵalysy qaýipsizdigin qamtamasyz etý jáne apat qaýpin tómendetý maqsatynda kólik jáne jol-kólik ınfraqurylymyn damytý basqarmasy Nur-Sultan qalasynyń polıtsııa departamentimen birlesip, qalanyń kóshe-jol jelisinde eń joǵary jyldamdyqty shekteý úshin pılottyq jobany iske qosty.

Joba aıasynda Shubar turǵyn alabynda Kosmonavtar kóshesindegi «Qońyrat» saýda ortalyǵy mańynda kóterińki jaıaý júrginshiler ótkelin (pandýs) ornatty.

Bul jumys kólik jyldamdyǵyn shekteý úshin júrgizildi.

«Bul sharalar quqyq buzýshylyqtyń jáne jol-kólik oqıǵalarynyń aldyn alady. Sondaı-aq jaıaý júrginshilerdiń júrýin, ruqsat etilgen eń joǵary jyldamdyqty arttyrýǵa baılanysty oqys oqıǵalardyń aldyn alýdy qamtamasyz etedi. Mundaı ótkel jurttyń kósheden emin-erkin ótýine múmkindik jasaıdy. Júrgizýshilerdi muqııat bolýǵa jáne qozǵalys baǵytyn aldyn ala josparlaýǵa shaqyramyz», - delingen vedomstvo habarlamasynda.

Sonymen qatar, basqarma jaıaý júrginshiler jolyn rettep qana qoımaı, olardyń kóńil-kúıin kóteretin smaılıkteri bar baǵdarshamdar ornatty.

Mamandardyń aıtýynsha, bul ıdeıa jastar arasynda emodzılerdiń tanymaldylyǵyn eskere otyryp, baǵdarsham belgisin qabyldaýyn jaqsartady.

«Bul jańashyldyq saıabaqtarǵa jáne jelekjol nysandary janyndaǵy jaıaý júrginshiler ótkelderinde qoldanyldy. Aldaǵy ýaqytta baǵdarsham keshenin dybystyq qurylǵylarmen tolyqtyrý josparlanyp otyr», - dep habarlady basqarmada.

Smaılık baǵdarshamdar tizbesi:

1. Respýblıka dańǵyly – «Esil» SÚ
2. Respýblıka dańǵyly – «Talısman» SÚ
3. Momyshuly kóshesi – «Vıktorııa» TK
4. Túrkistan kóshesi – «Nurjol» jelekjoly
5. Aqmeshit kóshesi – «Nurjol» jelekjoly
6. Jumabaev kóshesi – «Jeruıyq» saıabaǵy
7. Qabanbaı batyr dańǵyly – «Saltanat Saraıy»
8. Nur Jol kóshesi – «Nurjol» jelekjoly.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT