Nur-Sultan áýejaıynda áýe kemesinde qarýdy alyp júrý boıynsha aqyly qyzmet kúshin joıdy
2022 jylǵy 26 qańtar 17:40

Nur-Sultan áýejaıynda áýe kemesinde qarýdy alyp júrý boıynsha aqyly qyzmet kúshin joıdy

NUR-SULTAN. QazAqparat - Birinshi satydaǵy sot Nur-Sultan áýejaıynyń áýe kemesiniń bortyna qarýdy alyp júrý boıynsha aqyly qyzmetiniń kúshin joıdy, dep habarlaıdy QazAqparat.

Bul isti sotta qaraýǵa respýblıkalyq «Qansonar» respýblıkalyq ańshylar qaýymdastyǵynyń Básekelestikti qorǵaý jáne damytý agenttigine 2021 jylǵy 14 shildedegi ótinishi negiz boldy.

Ótinishte «Nursultan Nazarbaev halyqaralyq áýejaıy» AQ tarapynan áýe kemesine qarý men onyń oq-dárilerin alyp júrý boıynsha qyzmet kórsetkeni úshin bir qyzmet kórsetkeni úshin QQS-ty eskere otyryp, 15 000 teńge mólsherinde qosymsha aqy alý týraly sóz boldy.

Bul rette áýe kemesinde qarý alyp júrgeni úshin kórsetiletin qyzmettiń qunyn avıakompanııalar áýe bıletiniń qunyna qosyp ta qoıady. Nátıjesinde Nursultan Nazarbaev áýejaıynda jolaýshylar dál sol qyzmet úshin - áýejaı men avıakompanııaǵa eki ese tólem jasaýǵa tıis bolady.

Ótinishti qaraý sheńberinde Agenttik bul qyzmet elordalyq halyqaralyq áýejaı qyzmetiniń jeke túri retinde monopolııaǵa qarsy organmen kelisilmegenin anyqtady. Buryn Astana halyqaralyq áýejaıy avıatsııalyq qaýipsizdikti qamtamasyz etý boıynsha rettelip kórsetiletin qyzmet sheńberinde osy qyzmetti kórsetken bolatyn.

Básekelestikti qorǵaý jáne damytý agenttigi tarapynan materıaldar Bas kólik prokýratýrasyna jiberildi.

Nur-Sultan qalasy boıynsha Avıatsııalyq kólik prokýratýrasy materıaldardy qaraý nátıjeleri boıynsha osy qyzmettiń zańsyzdyǵy týraly narazylyq shyǵardy, oǵan «Nursultan Nazarbaev halyqaralyq áýejaıy» AQ tarapynan osy sheshimmen kelispeıtini týraly sotqa talap aryz berildi.

Aǵymdaǵy jylǵy 6 qańtarda Nur-Sultan qalasynyń mamandandyrylǵan aýdanaralyq ákimshilik soty Nur-Sultan qalasynyń áýejaıynda kórsetiletin áýe kemesinde qarý-jaraq pen onyń oq-dárilerin alyp júrý boıynsha aqyly qyzmetti alyp tastaý týraly Avıatsııalyq prokýratýranyń talabyn qanaǵattandyrý týraly sheshim shyǵardy.

Sot sheshimi áli kúshine engen joq.


Jańalyqtar

MURAǴAT