USD 434.34 EUR 491.93
RUB 5.56 CNY 68.67
Jańalyqtar

Múlik jáne jer salyǵyn tólemegenderdiń shottary buǵattalady

2021 jylǵy 27 qarasha 17:54
Bólisińiz:
Múlik jáne jer salyǵyn tólemegenderdiń shottary buǵattalady

NUR-SULTAN. QazAqparat – Múlik jáne jer salyǵyn tólemegenderdiń shottary buǵattalady. Mundaı esertýdi QR QM Memlekettik kirister komıteti jasady, dep habarlaıdy QazAqparat tilshisi.

«Osy jyldyń 18 qarashasynan bastap múlik salyǵy men jer salyǵy boıynsha salyq bereshegin ótemegen jeke tulǵalarǵa bereshek somalaryn májbúrlep óndirip alý týraly tıisti salyq buıryqtary jiberildi. Salyq buıryǵy tabys etilgen kúnnen bastap 5 jumys kúni ishinde bereshek ótelmegen jaǵdaıda, tıisti salyq buıryǵy jeke sot oryndaýshylaryna májbúrlep óndirip alýǵa jiberiledi. Sonymen birge, shottardy buǵattaýdan týyndaǵan qolaısyzdyqtar týraly aıtpaǵanda, jeke sot oryndaýshylary bereshek somasynan basqa qosymsha jeke tulǵalardan salyq bereshegi somasynyń 25 paıyzyna deıin óndirip alatynyn eskergen jón», - delingen komıtet aqparatynda.

Osyǵan baılanysty komıtet jeke sot oryndaýshylaryna alym jáne bereshekti májbúrlep óndirip alýǵa baılanysty qolaısyzdyqtardy tóleý esebinen boryshtyń ulǵaıýyn boldyrmaý úshin azamattarǵa salyq qaryzdaryn tóleýge jáne aldaǵy ýaqytta da memleket aldyndaǵy ózderiniń salyq mindettemelerin ýaqytyly oryndaýǵa keńes beredi.

Salyqtyq beresheginiń bar-joǵyn e-Salyq Azamat mobıldi qosymshasy (AppStore, PlayMarket) arqyly tekserýge bolady. Ol úshin e-Salyq Azamat→Elektrondy servıster→Salyq jáne áleýmettik tólemder boıynsha bereshek týraly qyzmeti→JSN-dy engizý sharttaryn oryndaý qajet.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT