Mınıstrlik pasportqa nelikten chıp japsyrylatynyn túsindirdi
2022 jylǵy 23 mamyr 11:42

Mınıstrlik pasportqa nelikten chıp japsyrylatynyn túsindirdi

NUR-SULTAN. QazAqparat – Elimizdiń kóshi-qon qyzmeti tólqujatta chıptiń qandaı maqsatpen qoıylǵanyn túsindirdi, dep habarlaıdy QazAqparat tilshisi.

«Kóshi-qon qyzmeti qazaqstandyq tólqujattaǵy chıpke qatysty túsinik berdi. Oǵan Instagram jelisinde taraǵan vıdeo sebep boldy. Beınejazbada pasporttaǵy chıptiń azamattardyń júris-turysyn qadaǵalaýǵa arnalǵany aıtylady»,- dedi QR Іshki ister mınıstrliginiń ókili Shuǵyla Turlybek atalǵan vedomstvoda ótken baspasóz máslıhatynda.

Mınıstrlik ókiliniń aıtýynsha, elektrondyq tólqujat álemniń kóptegen elderinde engizilgen.

«Qazaqstanda mıkroshemasy bar tólqujattar men jeke kýálikter 2009 jyldan bastap shyǵarylady. Ondaǵy chıp azamat týraly jeke derekterdi saqtaýǵa arnalǵan jáne jeke tulǵany anyqtaýǵa múmkindik beredi. Chıpi bar tólqujat Qazaqstan azamattarynyń elektrondy júıeleri arqyly shekara beketinen ótýin jáne pasport-vızalyq baqylaýdy jeńildetý úshin engizilgen», - deıdi ol.

Sondaı-aq, brıfıngte tólqujattaǵy chıp azamat shekaradan ótken kezde ǵana arnaıy qurylǵynyń kómegimen tekseriletini aıtyldy.


Jańalyqtar

MURAǴAT