Mınıstr jeńildetilgen avtonesıe baǵdarlamasyna qatysty qosymsha tapsyrma berdi
2022 jylǵy 18 mamyr 15:56

Mınıstr jeńildetilgen avtonesıe baǵdarlamasyna qatysty qosymsha tapsyrma berdi

NUR-SULTAN. QazAqparat - QR Indýstrııa jáne ınfraqurylymdyq damý mınıstri Qaıyrbek Óskenbaev jeńildetilgen avtonesıe baǵdarlamasyn júzege asyrý boıynsha qosymsha tapsyrma berdi, dep habarlaıdy QazAqparat.

Bul týraly QR Indýstrııa jáne ınfraqurylymdyq damý mınıstrliginiń baspasóz hatshysy Janjigit Omarhan habarlady.

«Dostar, ózderińizge málim, qazirgi tańda jeńildetilgen avtonesıe baǵdarlamasy qoǵamda qyzý talqylanyp jatyr. Qalyptasqan ahýal jaıly QR Indýstrııa jáne ınfraqurylymdyq damý mınıstrliginiń basshylyǵy habardar. Týyndaǵan máselege jan-jaqty saraptama jasalyp otyr. Mınıstr Qaıyrbek Óskenbaev jaýapty tulǵalar men mekemelerge atalmysh jaǵdaıǵa baılanysty túsinikteme berýdi jáne qabyldanǵan sharalar men sheshimderdi jarııalaýdy tapsyrdy» , — dedi Janjigit Omarhan.

Sondaı-aq, QR IIDM óz tarapynan baǵdarlamanyń erejesi men onyń iske asýy týraly qajetti bazalyq málimetti daıarlaǵanyn atap ótti.

Baǵdarlamany odan ári júzege asyrý quqyǵy «Ónerkásipti damytý qory» men avtokólik óndirýshiler, rıteıler men ekinshi deńgeıli bankterge berilgen.

Atalǵan uıymdar bekitilgen baǵdarlamanyń erejesine sáıkes jumys isteıdi.


Jańalyqtar

MURAǴAT