USD 436.29 EUR 492.83
RUB 5.92 CNY 68.48
Jańalyqtar

Memlekettik hatshy: Osy zamanǵy tarıhtyń tolǵaqty máselelerin zertteýdi kúsheıtý kerek

2021 jylǵy 15 qazan 11:14
Bólisińiz:
Memlekettik hatshy: Osy zamanǵy tarıhtyń tolǵaqty máselelerin zertteýdi kúsheıtý kerek

NUR-SULTAN. QazAqparat - QR Memlekettik hatshysy Qyrymbek Kósherbaev jazýshy, belgili ǵalym, alashtanýshy Tursyn Jurtbaıdyń 70 jyldyǵyna arnalǵan «Eldik ustanym jáne Táýelsizdik nysanasy» atty halyqaralyq ǵylymı-tájirıbelik konferentsııaǵa qatysyp, sóz sóıledi.

Uqsas jańalyqtar
Táýelsizdiktiń arqasynda Qazaq Eli joǵalyp bara jatqan dúnıelerin jańǵyrtty - Narıman Tóreǵalıev Atyraý mýzeıinde qos mereke qarsańynda ekspozıtsııalyq zaldar ashyldy Sportshy Nurıslam Sanaev «Jomart júrek» medalimen marapattaldy

Bul týraly QazAqparatAqordanyń resmı saıtyna silteme jasap habarlaıdy.

Qyrymbek Kósherbaev Tursyn Jurtbaıdyń jazýshylyq, shyǵarmashylyq jolyna toqtalyp, onyń ǵalym retinde atqarǵan aýqymdy jumysyn atap ótti. Memlekettik hatshy ǵalymnyń eki tomdyq «Dýlyǵa» tarıhı-tanymdyq kitabynyń berer taǵylymy mol ekenin, Uly Abaı, danyshpan Muhtar týraly zertteýlerindegi oılarynyń ómirsheńdigin aıtyp, «Beıýaq», «Besigińdi túze!..», «Talqy», «Mýhtar Omarhanovıch Aýezov», «Qunanbaı», «Súre sóz» eńbekteriniń ǵylymı qundylyǵy asa joǵary dep baǵa berdi.

Al 1922-1937 jyldar aralyǵyndaǵy, 50-jyldardaǵy ult zııalylaryn qýdalaý, qýǵyn-súrginge ushyratý týraly, «Alash» partııasy men Alashorda úkimeti basshylary men músheleriniń ústinen júrgizilgen tergeý isteriniń negizinde «Uranym – Alash!..» atty úsh tomdyq zerdeli zertteýiniń shyǵýy rýhanı dúnıemizge úlken serpilis ákeldi.

Halyqaralyq ǵylymı-tájirıbelik konferentsııada Memlekettik hatshy tarıhqa qatysty birqatar oıyn ortaǵa salyp, usynystarymen bólisti. Sonyń negizinde tarıhı ilim-bilimniń birjaqty kózqarastarynan aryla otyryp, ótken tarıhymyzdyń shynaıy beınesin jasaýdy, ejelgi jáne orta ǵasyrlar tarıhyna basa nazar aýdarýdy usyndy. Budan bólek Keńes dáýirindegi Qazaqstan tarıhyn qaıta paıymdaýdyń, elimizdiń osy zamanǵy tarıhynyń tolǵaqty máselelerin zertteýdi kúsheıtýdiń, qazaq dıasporalarynyń tarıhyn zerdeleýdiń mańyzdy ekenine toqtaldy.

Konferentsııaǵa QR Prezıdentiniń keńesshisi Baýyrjan Omarov, QR Prezıdentiniń baspasóz-hatshysy Berik Ýálı, Bilim jáne ǵylym mınıstri Ashat Aımaǵambetov, Nur-Sultan qalasynyń ákimi Altaı Kólginov jáne elimizdiń belgili ǵalymdary qatysty.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT