+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Mektepte jynystyq saýattylyq páni kerek pe – mınıstr jaýaby

2021 jylǵy 21 qazan 20:14
Bólisińiz:
Mektepte jynystyq saýattylyq páni kerek pe – mınıstr jaýaby

NUR-SULTAN. QazAqparat - Qazaqstan mektepterinde jynystyq saýattylyq pánin engizgen jón be? Bul suraqqa QR Bilim jáne ǵylym mınıstri Ashat Aımaǵambetov jaýap berdi, dep habarlaıdy QazAqparat tilshisi.

Ortalyq kommýnıkatsııalar qyzmetinde ótken baspasóz máslıhaty barysynda QR Bilim jáne ǵylym mınıstri Ashat Aımaǵambetovke «Qazaqstan mektepterinde jynystyq saýattylyq pánin engizý ýaqyty jetken joq pa, siz qalaı oılaısyz?» degen saýal qoıyldy.

«Mektep baǵdarlamasynda oqýshylardyń jas ereksheligine qaraı jynystyq tárbıege qatysty taqyryptar berilgen. Jynystyq tárbıe máselesin aıtqanda, tek mekteppen shektelmeı ata-ananyń rólin umytpaǵan jón. Jáne ár ata-ana óz balasymen osy taqyrypta sóıleskeni jón. Bul óte jeke másele, ıaǵnı tııanaqty bolýdy talap etedi. Sondyqtan otbasynda ákesi ulymen nemese anasy qyzymen ońasha talqylaǵany jón bolar. Ol balaǵa da baılanysty, keı bala ákesine jaqyn, keıbiri kerisinshe anasymen syrlasady. Jalpy atalǵan taqyryptyń tárbıelik máni basym bolǵandyqtan ata-ananyń erki men jaýapkershiligine qaldyrǵan jón dep oılaımyn», - dep jaýap berdi Ashat Aımaǵambetov.

Buǵan deıin mınıstr Kókshetaý qalasynda mektep muǵalimi dápterin umytyp ketken oqýshylardyń mańdaıyna «Dápter» dep jazyp bergen oqıǵaǵa qatysty pikir bildirdi.



Bizdiń kanalymyzǵa jazylyńyz:

Bólisińiz:

Avtor:

Álı Ibraev

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT