USD 434.34 EUR 491.93
RUB 5.56 CNY 68.67
Jańalyqtar

Máýlen Áshimbaev tarıhymyzdy tanytýda eńbek etken ǵalymdarǵa alǵys aıtty

2021 jylǵy 6 jeltoqsan 13:06
Bólisińiz:
Máýlen Áshimbaev tarıhymyzdy tanytýda eńbek etken ǵalymdarǵa alǵys aıtty

NUR-SULTAN. QazAqparat – Táýelsizdiktiń 30 jylynda tarıhymyzdy taný, rýhanııatymyzdy dáripteý jáne ulttyq qundylyqtarymyzdyń órisin keńeıtý jolynda aýqymdy jumys atqaryldy. Bul týraly elordada asharshylyq týraly buryn-sońdy jarııalanbaǵan qujattar jınaǵyn tanystyrý kezinde Senat tóraǵasy Máýlen Áshimbaev aıtty, dep habarlaıdy QazAqparat tilshisi.

Aıta keteıik, búgin Senatta Asharshylyq. Golod. 1928-1934 Derekti hronıka» atty kitabynyń tórtinshi jáne besinshi tomy tanystyryldy .

«Táýelsizdik kúni qarsańynda ózderińizben kezdeskenime qýanyshtymyn. Biz búgin eldigimiz úshin mańyzdy is-sharaǵa jınalyp otyrmyz. Aldymen, barshańyzdy egemendigimizdiń 30 jyldyq mereıli belesimen shyn júrekten quttyqtaımyn. Biz Táýelsizdigimizdiń 30 jyldyq tarıhı mejesin aıtýly jetistiktermen qarsy alyp otyrmyz. Elbasy Nursultan Nazarbaevtyń strategııalyq saıasatynyń arqasynda barlyq salada tolaıym tabysqa qol jetkizdik. Saıası-ekonomıkalyq jáne áleýmettik baǵytta damýdyń júıeli jolyna tústik. Beıbitshilik pen kelisimge taban tireı otyryp, halyqaralyq qaýymdastyqta zor abyroı, bedelge ıe boldyq. Sonymen birge, 30 jylda tarıhymyzdy taný, rýhanııatymyzdy dáripteý jáne ulttyq qundylyqtarymyzdyń órisin keńeıtý jolynda aýqymdy jumys atqaryldy. Shyn máninde, táýelsizdikpen birge qazaqtyń ult retinde qaıta dáýirleý kezeńi bastaldy», - dedi M. Áshimbaev.

Osy oraıda ol óshkenimiz janyp, umyt bolǵan dúnıemiz qaıta jańǵyrǵanyn atap ótti.

«Ana tilimiz ardaqtalyp, dilimiz ben dinimiz, tarıhymyz ben dástúrimiz tórden oryn aldy. Egemendiktiń alǵashqy jyldarynda uly Abaı men jyr alyby Jambyldyń mereıtoılaryn keń kólemde atap ótip, ótkendi ulyqtaýdyń ozyq úlgisin kórsettik. «Mádenı mura» baǵdarlamasy aıasynda biraz kóne jádigerlerimizdi shetelden elge qaıtardyq, kóptegen tarıhı nysandardy qalpyna keltirý jumystary júrgizildi. «Rýhanı jańǵyrý» baǵdarlamasy aıasynda qoǵamdyq sanany jańǵyrtýǵa baǵyttalǵan eleýli jumystar atqaryldy. Qazaq handyǵynyń 550 jyldyǵy, Altyn Ordanyń 750 jyldyǵy sııaqtyǵy ataýly datalarǵa da basa mán berildi. Munyń bári Táýelsizdiktiń arqasy. Eger egemendik bolmasa, osynyń bereýi de bolmaıtyny túsinikti. Osy rette atalǵan jumystardyń bárine ǵalymdarymyz, tarıhshylarymyz úlken úles qosty. Sol úshin ǵalymdarymyzǵa, búgingi sharaǵa qatysyp otyrǵan tarıhshylarǵa aıryqsha alǵysymyzdy bildiremiz», - dedi Senat tóraǵasy.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT