Máskeýde UQShU-ǵa múshe elder basshylarynyń kezdesýi bastaldy
2022 jylǵy 16 mamyr 17:17

Máskeýde UQShU-ǵa múshe elder basshylarynyń kezdesýi bastaldy

NUR-SULTAN. QazAqparat - Máskeýde QR Prezıdenti Qasym-Jomart Toqaevtyń qatysýymen Ujymdyq qaýipsizdik sharty uıymynyń jıyny ótip jatyr, dep habarlaıdy QazAqparat tilshisi.

15 mamyr kúni Memleket basshysy Qasym-Jomart Toqaev Ujymdyq qaýipsizdik shartyna qol qoıylǵanyna 30 jyl jáne Uıymnyń qurylǵanyna 20 jyl tolýyna oraı ótetin mereıtoılyq sammıtke qatysý úshin Máskeýge kelgen bolatyn.

Bul sammıtke uıymǵa múshe elderdiń basshylary qatysady dep josparlanǵan. 2022 jyly Ujymdyq qaýipsizdik sharty uıymyna Armenııa Respýblıkasy tóraǵalyq etip jatyr.

Jıyn barysynda UQShU-nyń damý bolashaǵy talqylanyp, uıymnyń mereıtoıyna arnalǵan málimdeme qabyldanbaq.

Ujymdyq qaýipsizdik týraly shartqa (UQT) 1992 jylǵy 15 mamyrda Tashkentte qol qoıyldy.

2002 jylǵy 14 mamyrda Ujymdyq qaýipsizdik keńesiniń Máskeýde ótken sessııasynda Ujymdyq qaýipsizdik týraly shartqa qatysýshy memleketter arasyndaǵy yntymaqtastyqtyń tetikteri men qurylymdaryn halyqaralyq aımaqtyq uıym – «Ujymdyq qaýipsizdik shart týraly uıymǵa» ózgertý, oǵan tıisti mártebe berý týraly sheshim qabyldady.

2003 jylǵy 18 qyrkúıekte UQShU Jarǵysy óz kúshine endi.

Ujymdyq qaýipsizdik shart uıymyna Armenııa, Belarýs, Qazaqstan, Qyrǵyzstan, Reseı, Tájikstan kiredi.


Avtor:
Tilshi

Jańalyqtar

MURAǴAT