+7 (701) 759 90 19
USD 436.29 EUR 492.83
RUB 5.92 CNY 68.48
Jańalyqtar

Marat Ahmetjanov: Bıznes salasynda jemqorlyqqa qarsy standarttar engizý qajet

2021 jylǵy 21 qazan 19:37
Bólisińiz:
Marat Ahmetjanov: Bıznes salasynda jemqorlyqqa qarsy standarttar engizý qajet

ALMATY. QazAqparat - QR Sybaılas jemqorlyqqa qarsy is-qımyl agenttiginiń tóraǵasy Marat Ahmetjanov Almaty qalasyna jumys sapary aıasynda Almaty qalasynyń ákimi Baqytjan Saǵyntaevtyń tóraǵalyǵymen ótken sybaılas jemqorlyqqa qarsy is-qımyl keńesiniń keńeıtilgen otyrysyna qatysty, dep habarlaıdy QazAqparat agenttiktiń baspasóz qyzmetine silteme jasap.

Uqsas jańalyqtar
Baqytjan Saǵyntaev densaýlyǵyna baılanysty demalysqa shyqty

Otyrysqa aýdan ákimderi, memlekettik jáne quqyq qorǵaý organdarynyń basshylary, depýtattar, qoǵam jáne bıznes-qoǵamdastyq ókilderi qatysty.

Іs-shara barysynda Sybaılas jemqorlyqqa qarsy qyzmettiń basshysy M. Ahmetjanov sybaılas jemqorlyqqa qarsy is-qımyl salasynda júrgizilip jatqan reformalar týraly baıandap, 2022-2026 jyldarǵa arnalǵan sybaılas jemqorlyqqa qarsy saıasat tujyrymdamasynyń jobasyna basa nazar aýdardy. Bul tapsyrmany Prezıdent Qazaqstan halqyna Joldaýynda bergeni málim.

M. Ahmetjanovtyń aıtýynsha, negizsiz baıýǵa jaýapkershilik engizý – tujyrymdama jańalyqtarynyń biri. Ol shyǵystardyń kiristerden asyp ketýi qarjylyq tekserýdi bastaý úshin sıgnal bolatynyn erekshe atap ótti.

Agenttik tóraǵasy azamattardyń jemqorlyqqa qarsy is-qımyl salasyndaǵy qajettilikteri men úmitterin qanaǵattandyrý Sybaılas jemqorlyqqa qarsy qyzmettiń birinshi kezektegi mindeti ekenin atap ótti. Sondaı-aq, memlekettik organdarda jemqorlyqqa qarsy komplaens-qyzmetterdi engizý jáne ishki monıtorıngboıynsha usynystar berdi.

Sonymen qosa, bıznes salasynda jemqorlyqqa qarsy standarttar engizý qajettiligin atap ótti.

«Tujyrymdamanyń mańyzdy basymdyqtarynyń biri adal bıznesti damytý bolyp tabylady. Júıelik ózgerister qajet. Sondyqtan Tujyrymdamada biz bıznesti sybaılas jemqorlyqqa qarsy standarttardy engizýge yntalandyrýdy kózdeımiz», - dep túıindedi vedomstvo basshysy.

Sondaı-aq, otyrys barysynda spıkerler sybaılas jemqorlyqqa qarsy bastamalardy tanystyryp, tásilderdi jetildirý jáne jemqorlyqqa qarsy is-qımyl boıynsha bıylǵy 9 aıdaǵy óńirdegi jumystyń qorytyndylary talqylandy.

Otyrys qorytyndysy boıynsha Almaty ákimi B.Saǵyntaev qala ákiminiń orynbasarlaryna sybaılas jemqorlyqqa qarsy saıasatty iske asyrýda atalǵan usynystardy eskerýdi tapsyrdy.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT