+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

Mańǵystaýlyq 100 otbasy Qostanaı oblysynda aýyl sharýashylyǵymen aınalysady

2021 jylǵy 21 qyrkúıek 17:21
Bólisińiz:
Mańǵystaýlyq 100 otbasy Qostanaı oblysynda aýyl sharýashylyǵymen aınalysady

AQTAÝ. QazAqparat - Mańǵystaýlyq 100 otbasy Qostanaı oblysynda aýyl sharýashylyǵymen aınalysa alady, dep habarlaıdy QazAqparat tilshisi.

Uqsas jańalyqtar
Mańǵystaýda kólik apatynan bir adam mert boldy Mańǵystaýda kólik qaqqan jaıaý júrginshi oqıǵa ornynda mert boldy Aýyl sharýashylyǵy mınıstri bıylǵy astyq túsimine boljam jasady

Mańǵystaý oblysynyń ákimdigi men «Olja Agro» JShS nátıjeli jumyspen qamtýdy jáne jappaı káipkerlikti damytýdyń memlekettik baǵdarlamasy aıasynda memorandýmǵa qol qoıdy.

Osylaısha «Olja Agro» JShS Mańǵystaý oblysynan kelgen 100 otbasyn baspanamen qamtyp, arnaıy oqytyp jáne aýyl sharýashylyǵy salasynda jumyspen qamtýǵa daıyn ekenin bildiredi.

Memorandým mánine saı nıet bildirgen mańǵystaýlyq 100 otbasy Qostanaı oblysyna kóship barýǵa múmkindigi bar.

Budan basqa, «Olja Agro» JShS Mańǵystaý oblysynan qonys aýdarýshylarǵa «1000 januıa fermerleri» jobasy boıynsha taýarlyq nesıe qyzmetin usynady. Atap aıtqanda, kompanııa otbasyna 100 sıyrdy taýarlyq nesıe túrinde beredi. Al olar óz kezeginde jyl saıyn týylǵan buzaýlardyń jartysyn «Olja Agro» JShS-ne berýi tıis. Osylaısha, jeti jyl ishinde qonys aýdarýshylar nesıeni tóleı alady.

Aıta ketsek, 2016-2021 jyldar aralyǵynda «Eńbek» memlekettik baǵdarlamasy aıasynda 366 mańǵystaýlyq turǵyn memlekettik qoldaýdyń arqasynda erikti túrde elimizdiń soltústik óńirlerine qonys aýdardy.

Nurlan Noǵaev oblys ákiminiń birinshi orynbasary Abzal Meńdibaevqa qonys aýdarýǵa nıet bildirgen otbasylardyń tizimin jasaqtaý boıynsha birqatar tapsyrmalar berdi.

Abzal Meńdibaev óńir ákimdigi atynan memorandýmǵa qol qoıdy. «Olja Agro» JShS tarapynan kompanııanyń bas dırektory Aıdarbek Hodjanazarov qol qoıdy.

Kezdesý sońynda Mańǵystaý oblysynyń ákimi Nurlan Noǵaev «Olja Agro» JShS dırektoryna alǵysyn aıtyp, eki tarapqa da memorandým tarmaqtaryn oryndaýǵa tapsyrma berdi.

- Barlyǵyn úkimetke asyryp qoıýǵa balmaıdy. Ár adam ózi eńbek etip, otbasyn qamtamasyz etýi kerek. Mańǵystaý oblysynyń turǵyndary úshin osyndaı múmkindik berip otyrǵan «Olja Agro» JShS - ne alǵysymdy bildiremin, - dedi Nurlan Noǵaev.


Bizdiń kanalymyzǵa jazylyńyz:

Bólisińiz:

Avtor:

Qarakóz Marat

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT