+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Mańǵystaýda toı-jıynǵa barǵandarǵa da aıyppul salynady

2021 jylǵy 2 tamyz 14:43
Bólisińiz:
Mańǵystaýda toı-jıynǵa barǵandarǵa da aıyppul salynady

AQTAÝ. QazAqparat - Mańǵystaý oblysynda endi toı, sadaqa jasaǵandar ǵana emes, oǵan barǵandarǵa da aıyppul salynatyn boldy, dep habarlaıdy QazAqparat tilshisi. Bul týraly Mańǵystaý oblysy ákiminiń tóraǵalyǵymen ótken apparattyq jıynda ákim orynbasary Gúlmıra Qalmuratova málimdedi.

Uqsas jańalyqtar
Atyraý oblysynda ınfektsııalyq statsıonarlardaǵy naýqastar 4 esege azaıdy Jańa qaýly: Pavlodarda ǵımarattardy korporatıvtik shara úshin jalǵa alýǵa tyıym salyndy Jańa qaýly: Pavlodarda vaktsına almaǵan kásiporyn jumysshylary jumystan shettetiledi

Gúlmıra Qalmuratova baıandaýynsha, karantın talaptaryn buzǵandar bas sanıtardyń qaýlysyna sáıkes aıyppul tóleıdi.

Ótken demalys kúnderi óńirdegi 256 nysanǵa reıd júrgizildi. Nátıjesinde 57 hattama toltyrylyp, Mańǵystaý oblysynyń sanıtarlyq-epıdemıologııalyq baqylaý departamentine jiberildi. Oblys ákimi S.Trumov bul jumystardy jalǵastyra berýdi jáne monıtorıng toptarynyń jumysyn kúsheıte túsýdi tapsyrdy. Sebebi COVID-19 vırýsyn juqtyrǵandardyń sany ósip barady.

Epıdemıologııalyq ahýaldy jaqsartýdyń bir joly – kópshilik jınalatyn sharalardy shekteý bolsa, ekinshisi - vırýsqa qarsy ujymdyq ımmýnıtet qalyptastyrý úshin jappaı ekpe alý. Búgingi kúnge deıin oblysta 103 710 adam vaktsınanyń 1-shi komponentin, 64 204 adam 2-shi komponentin qabyldaǵan. Oblysta KVI-ge qarsy vaktsınatsııaǵa arnalǵan 42 ekpe kabıneti jumys istep tur (Aqtaý – 8, Jańaózen – 6, Beıneý - 8, Qaraqııa -2, Mańǵystaý -1, Munaıly - 5, Túpqaraǵan – 6).

«Vaktsınatsııa jumystary kúsheıtildi, sonyń nátıjesinde shilde aıynda turǵyndar arasynda vaktsınatsııanyń ósý qarqyny baıqaldy», - dedi Gúlmıra Qalmuratova.

Jyl basynan beri qaýipti indetpen 10 myńnan astam adam aýyryp, 92,3%-y emdelip shyqty. Ókinishke qaraı 227 adam osy vırýstan kóz jumǵan. Sońǵy táýlikte 224 adamnyń KVI juqtyrǵandyǵy anyqtaldy.

Densaýlyq saqtaý nysandary kúsheıtilgen tártippen jumys istep jatyr. Naýqastar sanynyń ósýine baılanysty Aqtaý, Jańaózen qalalarynda, Munaıly, Túpqaraǵan jáne Mańǵystaý aýdandarynda 5 ınfektsııalyq statsıonar ashyldy.

Óńirdegi jalpy tósek qorynyń sany 1 799 orynǵa jetkizilip, reanımatsııalyq tósek sany 118-ge deıin artty. Osy statsıonarlarda búgingi kúni 944 adam em qabyldap jatyr, onyń ishinde 39 bala, 95 júkti jáne bosanǵan áıel. Tósek oryndardyń tolymdylyǵy – 62%. Al, jansaqtaý bólimderiniń tolymdyǵy - 90% (107 adam).

Oblys ákimi orynbasarynyń aıtýynsha, medıtsınalyq personal tolyq irikteldi, dárilik preparattar men jeke qorǵanys quraldarynyń qajetti qory daıyn. Qosymsha mobıldi brıgadalar qurylyp, olardyń sany 120 brıgadaǵa deıin ulǵaıtyldy, olarǵa 20 avtokólik bólingen.


Bizdiń kanalymyzǵa jazylyńyz:

Bólisińiz:

Avtor:

Qarakóz Marat

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT