Mańǵystaý oblystyq bilim basqarmasyna jańa basshy taǵaıyndaldy
2022 jylǵy 23 mamyr 14:41

Mańǵystaý oblystyq bilim basqarmasyna jańa basshy taǵaıyndaldy

AQTAÝ. QazAqparat - Óńir basshysy Nurlan Noǵaevtyń ókimimen Dınara Jumasheva Mańǵystaý oblysynyń bilim basqarmasynyń basshysy bolyp taǵaıyndaldy, dep habarlaıdy QazAqparat oblys ákiminiń baspasóz qyzmetine silteme jasap.

Dınara Naǵımollaqyzynyń «tarıh pániniń muǵalimi» jáne «zańger» mamandyqtary boıynsha joǵary bilimi bar, tarıh ǵylymdarynyń magıstri.

Eńbek jolyn 1997 jyly orta mektepte tarıh jáne ekonomıka pánderiniń muǵalimi bolyp bastady.

2002-2006 jyldar aralyǵynda Mańǵystaý oblysynyń bilim departamentinde bas maman, 2006-2007 jyldar aralyǵynda oblystyń tilderdi damytý jónindegi basqarmasynda bólim bastyǵy, 2007 – 2009 jyldar arylyǵynda atalǵan basqarma basshysynyń orynbasary qyzmetterin atqarǵan.

2009-2010 jyldar aralyǵynda Mańǵystaý oblysy ákimdiginiń bilim basqarmasynyń tárbıe jumystary bóliminiń basshysy, 2010-2011 jyldar aralyǵynda Aqtaý qalalyq bilim bóliminiń bastyǵy, 2011-2015 jyldar aralyǵynda oblystyq bilim basqarmasynyń basshysy boldy.

2015 jyly oblystyq tehnıkalyq jáne kásiptik bilim berýdiń oqý-ádistemelik kabınetiniń ádiskeri, 2015-2017 jyldar aralyǵynda oblys ákimdiginiń «Tilderdi oqytý, memlekettik qyzmetshilerdi qaıta daıarlaý jáne olardyń biliktiligin arttyrý» óńirlik ortalyǵynyń dırektory, 2017-2018 jyldar aralyǵynda QR Prezıdenti janyndaǵy Memlekettik basqarý akademııasynyń Mańǵystaý oblystyq fılıalynyń dırektory qyzmetterin atqardy.

2018 jyldyń naýryz aıynan bastap 2022 jyldyń naýryz aıyna deıin «Qazaqteńizkólikfloty» ulttyq teńiz keme qatynasy kompanııasynyń bas dırektorynyń jurtshylyqpen baılanys jónindegi keńesshisi qyzmetin atqardy.

Óńir basshysy Nurlan Noǵaev ujymǵa basqarmanyń jańa basshysyn tanystyryp, jumysyna tabys tiledi.


Jańalyqtar

MURAǴAT