Lıftide áıelin soqqyǵa jyqqan astanalyq er adamǵa qatysty qylmystyq is qozǵaldy
2022 jylǵy 19 mamyr 12:24

Lıftide áıelin soqqyǵa jyqqan astanalyq er adamǵa qatysty qylmystyq is qozǵaldy

NUR-SULTAN. QazAqparat – Nur-Sultan qalasynda lıft ishinde áıeldi soqqyǵa jyqqan er adamǵa qatysty qylmystyq is qozǵalyp, tergeý amaldary júrip jatyr, dep habarlaıdy QazAqparat tilshisi qalalyq Polıtsııa departamentiniń baspasóz qyzmetine silteme jasap.

«Ótinishke sáıkes Nur-Sultan qalasy polıtsııa departamenti «Esil» aýdanynyń polıtsııa basqarmasy QK-niń 107-baby (Densaýlyqqa qasaqana aýyrlyǵy ortasha zııan keltirý) boıynsha qylmystyq isti tirkedi. Júrgizilgen sot-medıtsınalyq saraptamaǵa sáıkes, jábirlenýshiniń densaýlyǵyna ortasha aýyrlyqtaǵy zııan keltirilgen», - delingen habarlamada.

Kelip túsken aqparatqa sáıkes, búginde tergeý amaldary júrip jatyr.

«Kúdiktige qatysty «eshqaıda ketpeý jáne óz áreketine jaýap berý týraly qolhat» túrinde bultartpaý sharasy qoldanyldy. Ózge aqparat tergeý múddesine saı jarııa etýge jatpaıdy», - deıdi atalǵan vedomstvodan.

Aıta ketsek, áleýmettik jelide lıftide belgisiz bireýdiń qyz balany teýip, uryp jatqan vıdeosy taraǵan edi.

Eske sala ketsek, buǵan deıin Іshki ister mınıstrligi turmystyq zorlyq-zombylyq kóbinese otbasylyq janjaldan týyndaıtynyn habarlaǵan edi.



Uqsas jańalyqtar

Jańalyqtar

MURAǴAT