Qyzylordada shańdy daýyl soǵyp tur
2022 jylǵy 21 mamyr 18:21

Qyzylordada shańdy daýyl soǵyp tur

QYZYLORDA. QazAqparat - Qyzylordada búgin shańdy daýyl soǵyp tur. Salalyq departament oqys oqıǵalar tirkelmegenin málimdedi, dep habarlaıdy QazAqparat tilshisi.

«Qazgıdromet» RMK Qyzylorda oblysy boıynsha fılıalynyń habarlaýynsha, búgin oblys aýmaǵynda aýa raıyna baılanysty dabyldy eskertý jarııalandy.

«Qyzylorda oblysynyń basym bóliginde 21 mamyrda kúndiz jańbyr bolady. Oblystyń soltústigi, ońtústigi jáne ortalyǵynda naızaǵaı, daýyl, shańdy daýyl soǵady. Jel soltústik-batystan. Túnde batysynda, kúndiz oblystyń basym bóliginde kúshi sekýndyna 15-20 metrge jetedi. Jeldiń ekpini Qyzylorda qalasynda sekýndyna 23-28 metr shamasynda bolady. Oblystyń ortalyǵynda tótenshe órt qaýpi saqtalady», - degen boljam taratyldy.

Qyzylorda oblystyq tótenshe jaǵdaılar departamenti órt sóndirý jáne avarııalyq-qutqarý jumystary qyzmetiniń habarlaýynsha, ázirge oblysta aýa raıyna qatysty oqys oqıǵalar tirkelgen joq.

Eske salsaq, budan buryn «Qazgıdromet» 21 mamyrǵa arnalǵan aýa raıy boljamyn jarııalaǵan edi.

Aqtóbe oblysynda jasóspirimdi naızaǵaı soǵyp, mert qyldy.

Al, Almaty qutqarýshylary taýǵa shyǵý qaýiptiligin eskertti.


Jańalyqtar

MURAǴAT