Qyzylordada polıtseıler taıǵaqta joldan shyǵyp ketken ózbekstandyq júrgizýshini qutqardy
2022 jylǵy 26 qańtar 17:26

Qyzylordada polıtseıler taıǵaqta joldan shyǵyp ketken ózbekstandyq júrgizýshini qutqardy

QYZYLORDA. QazAqparat - Qyzylorda oblysynda joldyń taıǵaqtyǵynan joldan shyǵyp ketken ózbekstandyq júk kóliginiń júrgizýshisi qutqaryldy, dep habarlaıdy QazAqparat tilshisi.

Oqıǵa «Shymkent-Samara» tas jolynyń Qarmaqshy aýdany Aqtóbe aýylynyń tusynda bolǵan. Aýa raıynyń qolaısyzdyǵy jáne taıǵaqtan ózbekstandyq 45 jastaǵy azamattyń basqarýyndaǵy aýyr júk avtokóligi ózdiginen joldan shyǵyp ketken. Júk kóliginiń ıesi aıdalada jalǵyz ózi qalyp qoıǵan.

«Oqıǵaǵa baılanysty júrgizýshini evakýatsııalaý jóninde habarlama kelip tústi. Qarmaqshy aýdandyq polıtsııa bóliminiń patrýldik polıtsııa toby oqıǵaǵa ornyna jetti. Olardyń kómegimen aýyr júk kóligi tas jolǵa qaıta shyǵaryldy. Júrgizýshiniń saparyn odan ári jalǵastyrýyna múmkindik jasaldy», - dep málim etti Qyzylorda oblystyq polıtsııa departamentinen.

Eske salsaq, Qyzylorda oblysynda elsiz dalada qalyp qoıǵan 19 adam qutqaryldy.

8


Jańalyqtar

MURAǴAT