+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Qyzylordada bir jarym aı buryn joǵalyp ketken er adamnyń denesi tabyldy

2021 jylǵy 22 qazan 19:38
Bólisińiz:
Qyzylordada bir jarym aı buryn joǵalyp ketken er adamnyń denesi tabyldy

QYZYLORDA. QazAqparat - Qyzylorda oblysynda iz-tússiz joǵalǵan azamattyń máıiti tabyldy, dep habarlaıdy QazAqparat.

Uqsas jańalyqtar

Oblystyq polıtsııa departamentiniń baspasóz qyzmeti málim etkendeı, 12 qyrkúıekte S.Begimbaı jeńil avtokóligimen Nur-Sultan qalasyna jolǵa shyǵyp, sodan beri habar-osharsyz ketken.

Osyǵan baılanysty Qylmystyq kodekstiń 99-babynyń 1-bóligimen qylmystyq is tirkelip, sotqa deıingi tergeý bastalǵan.

Qylmystyq istiń tóńireginde S.Begimbaıdy tabý úshin keshendi jedel izdestirý is-sharalary uıymdastyrylyp, oǵan jedel ýákilder men ýchaskelik polıtsııa ınspektorlary arasynda qurylǵan birneshe mobıldi toptar, tótenshe jaǵdaılar departamentiniń qyzmetkerleri, Ulttyq ulan sarbazdary jáne týǵan-týysqandary, joldastary, eriktiler jumyldyrylǵan.

Keshendi izdeý sharalaryna arnaıy tehnıka men tikushaq qoldanylǵan.

Nátıjesinde 19 qazanda «Qyzylorda-Jezqazǵan» tasjolynyń 128-shaqyrymynan S.Begimbaıdyń jeńil avtokóligi jáne jeke zattary tabylyp, aıǵaq retinde alynǵan.

Al 22 qazan saǵat 13:25 shamasynda «Qyzylorda-Jezqazǵan» tasjolynyń 128 shaqyrymynan batysqa qaraı 30-40 shaqyrym qashyqtyqtaǵy dalalyq jerden belgisiz azamattyń máıiti tabyldy.

Tergeý organy múrde S.Begimbaıǵa tıesili bolýy múmkin dep boljam jasady.

«Qazirgi ýaqytta oqıǵa bolǵan jerde jedel tergeý toby jáne tótenshe jaǵdaı departamentiniń qyzmetkerlerimen tekserý júrgizip jatyr. Osy rette máıitti taný jáne tıisti sot-saraptamasynyń nátıjesinde belgisiz azamattyń máıiti naqty kimge tıesili ekeni anyqtalady» dep málim etti polıtsııa.

Bizdiń kanalymyzǵa jazylyńyz:

Bólisińiz:

Avtor:

Janat Qapalbaeva

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT