+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Kúzde Qazaqstan men Reseı áskerı polıgonyndarynda oqý-jattyǵý ótedi

2021 jylǵy 9 maýsym 17:14
Bólisińiz:
Kúzde Qazaqstan men Reseı áskerı polıgonyndarynda oqý-jattyǵý ótedi

NUR-SULTAN. QazAqparat - TMD elderi qarýly kúshteri shtabtarynyń bastyqtary 2025 jylǵa deıingi áskerı yntymaqtastyqty damytý jaıyn talqylady, dep habarlaıdy QazAqparat QR Qorǵanys mınıstrliginiń baspasóz qyzmetine silteme jasap.

Uqsas jańalyqtar

Qorǵanys mınıstriniń birinshi oryndasary - Qazaqstan Qarýly Kúshteri Bas shtabynyń bastyǵy general-leıtenant Murat Bektanov Sankt-Peterbýrg qalasynda ótken TMD múshe elderdiń qarýly kúshteri shtab bastyqtary komıtetiniń otyrysyna qatysty.

Otyrysta kópjaqty áskerı yntymaqtastyq máseleleri qaraldy. Qatysýshylar álemdegi áskerı-saıası ahýal men onyń Dostastyq elderine áserin taldap, 2025 jylǵa deıingi Áskerı yntymaqtastyq tujyrymdamasyn júzege asyrý boıynsha sharalar legi talqylandy. Bul elderdiń keleshektegi ózara is-qımyl aıqyndaıdy.

General-leıtenant Murat Bektanov praktıkalyq tájirıbe almasýdyń, yntymaqtastyq negizinde áskerı saladaǵy ózara is-qımyldyń birlesken júıelerdi damytýdyń mańyzyn atap ótti. Onyń ishinde áýe shabýylyna qarsy qorǵanystyń birikken júıesi, memlekettik radıolokatsııalyq tanýdyń biryńǵaı júıesi, áskerı avıatsııanyń ushý qaýipsizdigi máseleleri boıynsha aqparat almasý júıesi sekildi máseleler bar. Bul rette oqý-jattyǵý aǵymdaǵy jyldyń qyrkúıek aıynda Qazaqstan men Reseıdiń áskerı polıgondarynda ótetini belgili boldy.

«Jaýyngerlik baýyrlastyq 2021» birlesken oqý-jattyǵýyn talqylaý barysynda qazaqstandyq tarap búgingi kúni TMD áýe shabýylyna qarsy qorǵanystyń birlesken júıesi – áskerı yntymaqtastyq aıasynda ıntegratsııalyq protsestiń eń mańyzdy jetistikteriniń biri ekenin atap ótti.

Talqylaýǵa arqaý bolǵan taqyryptardyń biri radıatsııalyq, hımııalyq jáne bıologııalyq qorǵaý áskerleriniń COVID-19 taralýyna qarsy kúreske qatysý tájirıbesi. Qazaqstanda bul bólimsheler áleýmettik mańyzy bar jáne karantındik obektilerdi, adamdar kóp jınalatyn oryndardy, blokpostardy, Qarýly Kúshter obektilerin, qalalardyń jáne memlekettik ákimshilik obektilerdiń tynys-tirshiligin qamtamasyz etýdi, jaıaý júrginshiler aımaqtary men jol ýchaskelerin óńdeý úshin qoldanyldy.

Budan bólek, qatysýshylar 2022 jylǵa josparlanǵan birlesken is-sharalardy, áýe-ǵaryshtyq qorǵanys júıesin qurý salasyndaǵy zertteýlerdi jáne avıatsııanyń ushý qaýipsizdiginiń jaı-kúıin talqylady.

TMD normatıvtik quqyqtyq bazasyn jetildirý mańyzdy máseleniń biri bolyp qala beredi. Qazaqstanda TMD-ǵa qatysýshy memleketter qarýly kúshteriniń birlesken (birikken) baılanys júıesi týraly kelisimdi ratıfıkatsııalaý týraly zań jobasy jaqyn arada Qazaqstan Parlamentiniń qaraýyna engiziletin bolady. Atalǵan zańnyń kúshine enýi olardy jańǵyrtý negizinde áskerı baılanys júıelerin, keshenderi men quraldaryn neǵurlym tıimdi damytýǵa, úılesimdiligin qamtamasyz etýge múmkindik beredi.

Otyrys barysynda qabyldanǵan sheshimder TMD-ǵa qatysýshy memleketterdiń jalpy jáne ulttyq múddelerin eskere otyryp, kópjaqty áskerı yntymaqtastyq júıesin damytýǵa baǵyttalǵanyn atap ótken jón.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT