+7 (701) 759 90 19
USD 436.29 EUR 492.83
RUB 5.92 CNY 68.48
Jańalyqtar

Kredıtińizdi ýaqytynda qaıtara almasańyz ne isteý kerek - jańa tetik iske qosyldy

2021 jylǵy 17 qazan 14:39
Bólisińiz:
Kredıtińizdi ýaqytynda qaıtara almasańyz ne isteý kerek - jańa tetik iske qosyldy

NUR-SULTAN. QazAqparat - Qazan aıynan bastap Qazaqstanda problemalyq bereshekti sotqa deıin retteýdiń jańa tetigi iske qosyldy. Bul týraly QazAqparat Qarjy naryǵyn retteý jáne damytý agenttigine silteme jasap habarlaıdy.

«1 qazannan bastap Bankter jáne bank qyzmeti, sondaı-aq mıkroqarjylyq qyzmet týraly zańdarǵa bankter men mıkroqarjy uıymdarynyń (MQU) qaryz alýshynyń problemalyq bereshegin biryńǵaı quqyqtyq retteý rejımin engizý bóligindegi túzetýler kúshine endi. Endi merzimi ótken bereshegi bar qaryz alýshy-jeke tulǵalar óz kredıtterin nemese mıkroqaryzdaryn qaıta qurylymdaý máselelerin quqyqtyq aıa sheńberinde azamattardyń ótinishterin qaraýǵa mindettelgen kredıtorlarmen tikeleı sheshe alady», - delingen agenttik habarlamasynda.

Endigi kezde qaryz alýshylar, merzimi ótken kúnnen bastap 30 kún ishinde qaryzdardy qaıta qurylymdaý úshin kredıttik uıymǵa jazbasha ótinishpen nemese kredıttik shartta kórsetilgen basqa tásilmen júginýi kerek. Ótinishte merzimin ótkizip alýdyń nemen baılanysty bolǵanyn kórsetý, yqtımal qaıta qurylymdaýdyń óz nusqalaryn usyný jáne kiristerdiń tómendegenin jáne óz mindettemeleri boıynsha tólem jasaýdyń múmkin emestigin kýálandyratyn rastaıtyn qujattardy usyný qajet.

Agenttiktiń habarlaýynsha, qaryz alýshynyń ótinishi mindetti túrde qabyldanýǵa, tirkelýge, esepke alynýǵa jáne bank pen MQU-nyń qaraýyna jatady. Tolyq emes málimetter usynylǵan kezde qaryz alýshy olardy qarjy uıymynan habarlama alǵan kúnnen bastap 5 jumys kúni ishinde usynady.

Kredıtor qaryz alýshydan qujattardyń tolyq paketin alǵannan keıin ótinishti qaraıdy, bul rette qaryz alýshynyń aǵymdaǵy qarjylyq jaǵdaıy (tólem jasaýǵa qabilettiligi), áleýmettik jaǵdaıy, kepilge salynǵan baspananyń jalǵyz bolýy, qaryz boıynsha mindettemelerdi adal oryndaý sııaqty faktorlardy eskeredi.

Kredıtor óziniń jaýabyn kúntizbelik 15 kún ishinde:

qaryz alýshy usynǵan banktik qaryz/mıkrokredıt shartynyń talaptaryna ózgeristerdi qabyldaı otyryp, kelisimin;

banktik qaryz/mıkrokredıt shartynyń talaptaryn ózgertý jónindegi óz usynystaryn;

sebepterdiń dáleldi negizdemesin kórsete otyryp, bas tartýdy usynýǵa tıis.

Qaryz alýshy nemese kredıtor usynǵan qaıta qurylymdaý talaptary mynadaı túrde bolýy múmkin: syıaqy mólsherlemesin tómendetý, tólemdi keıinge qaldyrý, óteý ádisin ózgertý, qaryz merzimin ulǵaıtý, borysh júktemesin azaıtý (merzimi ótken negizgi borysh, syıaqy, aıypaqy jáne tólemder men komıssııalardyń ózge de túrleri), ıpotekanyń máni bolyp tabylatyn jyljymaıtyn múlikti derbes ótkizý nemese kepil múlkin kredıtorǵa berý, satyp alýshyǵa mindettemeni bere otyryp, jyljymaıtyn múlikti ótkizý arqyly bas tartý tólemin berý.

Sharttyń talaptaryna ózgerister engizý bank osyndaı sheshim qabyldaǵan kúnnen bastap kúntizbelik 15 kún ishinde júzege asyrylady.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT