+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Kózge kórinbeıtin nársemen kúresý ońaı emes – dáriger

2021 jylǵy 12 maýsym 09:01
Bólisińiz:
Kózge kórinbeıtin nársemen kúresý ońaı emes – dáriger

PETROPAVL. QazAqparat – Soltústik Qazaqstan oblysynda koronavırýspen kúreste ózderine qaýip tóndire júrip, ózgelerdiń ómiri úshin jantalasqan medıtsına qyzmetkerleri az emes. Solardyń biri - sanıtarııalyq-epıdemıologııalyq baqylaý departamentiniń ınfektsııalyq jáne parazıttik aýrýlardy epıdemıologııalyq baqylaý bóliminiń basshysy Merýert Atambaeva. QazAqparat tilshisiniń óz isiniń mamanymen suhbaty indetpen kúres, sondaı-aq syn saǵattardaǵy dárigerlerdiń jankeshti eńbegi jaıynda.

Uqsas jańalyqtar
Elimizde koronavırýstan jazylǵandar sany 500 myńnan asty Eýropada «kovıd ruqsatnamasynyń» qoldaný aıasy keńeıtilip jatyr Aqtóbede vaktsına saldyrǵan 100 stýdenttiń oqý aqysyna jeńildik jasalady

- Merýert Eleýsizqyzy, aldymen ınfektsııalyq jáne parazıttik aýrýlardy epıdemıologııalyq baqylaý bóliminiń jumysyna toqtalyp ótseńiz.

- Bólim ınfektsııalyq jáne parazıttik aýrýlardyń aldyn alý, taralýynyń aldyn alýmen kúresedi. Jumysymyz óte kóp, ásirese qazirgi tańda koronavırýstyq ınfektsııanyń tizbegin, adamnan adamǵa taralýyn toqtatý, ıaǵnı ınfektsııa kózin taýyp, oqshaýlaý, qarym-qatynasta bolǵandardy anyqtap, olardy oqshaýlaý boıynsha tynym tappaımyz. Sonymen qatar halyq arasynda sanıtarııalyq-aǵartýshylyq jumystaryn júrgizýmen de aınalysamyz. Ol tek koronavırýsqa ǵana emes, kez kelgen ınfektsııalyq, parazıttik aýrýlarǵa da qatysty. Tabıǵattyń zańyna baılanysty ár aýrýdyń óz epıdemııalyq maýsymy bolady. Mysaly qazir bizde ishek ınfektsııalarynyń epıdemııalyq maýsymy bastaldy. Jaz aılarynda ishek ınfektsııalary tez taralyp, tez kóbeıedi. Ol úshin adamdar jeke bas gıgıenasyn saqtap, sý qoımalarynda shomylǵan kezde barynsha muqııat bolǵany jón. Kókónister men jemis-jıdektiń pisetin kezi jaqyndap qaldy. Jemes buryn ystyq qaınaǵan sýmen bir óńdep alý kerek. Óıtkeni ony sý qubyryndaǵy sýmen jýǵan kezde ondaǵy mıkrobtar men ınfektsııa joıylmaýy múmkin.

Kene entsefalıtiniń de qazir epıdemııalyq maýsymy bastaldy. Sol sebepti halyq arasynda qazir túsindirý jumystaryn júrgizip jatyrmyz, keneden qalaı saqtaný kerek, kene shaǵyp alǵan jaǵdaıda ne isteý kerektigi jóninde aqparat beremiz.

- Koronavırýs pandemııasymen kúresip jatqandaryńyzǵa jyldan asty. Únemi alǵy shepte jumys istedińizder. Qıyndyqtar da az bolmaǵan shyǵar...

- Naýqastardyń sany kóbeıip ketken kezde jumysta qonýǵa týra kelgen kúnder boldy. Syrqattardy anyqtap, olardy oqshaýlap, aýrýhanaǵa jatqyzýdy uıymdastyryp, olarmen qarym-qatynasta bolǵandardy anyqtap, karantınge otyrǵyzyp, karantındik sharalardy ustaýyn jáne karantınde bolýyn qadaǵalaý ońaı sharýa emes. Sondyqtan medıtsına salasynyń, sonyń ishinde sanıtarııalyq-epıdemıologııalyq salaǵa pandemııanyń birinshi

tolqyny aýyr soqqy boldy. Óıtkeni onyń aldynda biz pandemııamen betpe-bet kelgen joqpyz. Bul bizdiń alǵashqy tájirıbemiz edi.

- Osy salany nege tańdadym eken dep ókingen sátińiz boldy ma?

- Joq, ókingen emespin. Kerisinshe, óz salam boıynsha ári qaraı nege tereńdete oqymadym degen bir ókinish bar. Joldasymnyń jumysyna baılanysty mende oǵan múmkindik bolmady. Bir orynda turaqtap jumys istegende sol oıymdy, sol armanymdy júzege asyrar edim.

Ár mamandyqtyń óz qıyndyǵy bar. Eshqandaı kásipti men ońaı dep aıta almas edim. Meniń jumysymnyń qıyndyǵy – biz qashanda kózge kórinbeıtin nársemen kúresemiz. Qandaı ınfektsııa bolsa da ol kózge kórinbeıdi. Qazir biz koronavırýs ınfektsııasymen kúresip jatyrmyz, ony kózben kórmeısiń, qolmen ustaýǵa bolmaıdy. Qazir bul vırýs ártúrli mýtatsııaǵa ushyrap ózgerip jatyr. Aýrýmen kúresý eshqashan da ońaı bolǵan emes. Alaıda medıtsına salasynyń jyldan-jylǵa damýynyń arqasynda ınfektsııalardy jeńip, aldyn alyp kele jatyrmyz.

- Dáriger mamandyǵyn tańdaýǵa ne túrtki boldy?

- Meniń anam, men ony úlgi tutamyn. Meniń dáriger bolǵanymdy birinshiden anam qalady. Esimi Rysjan Ábdirahmanqyzy Talasbaeva. Anam osy sanıtarııalyq-epıdemıologııalyq salada 30 jyldan astam ýaqyt eńbek etip, Jambyl oblysy Jambyl aýdanynda basqarmany basqardy. Qazir beınetiniń zeınetin kórip otyrǵan jaıy bar. Birlesý -Eńbek aýylynda turady. Anamnyń qoldaýymen, sol kisiniń baǵyttaýymen osy salaǵa keldim.

Jalpy otbasynda bes baýyrmyz. Úlken ápkem – muǵalim. Menen keıingi sińlim – býhgalter bolsa, taǵy bir sińlim men inim – aýyl sharýashylyǵy salasynda eńbek etedi. Ol ekeýi ákemniń jolyn qýdy. Ákem uzaq jyldar boıy ósimdik qorǵaý salasy boıynsha qyzmet etti, qazir zeınetker.

- Osy qıyn ýaqytta Sizge qoldaý kórsetken jandar týraly aıtyp ótseńiz?

- Qıyn kezde qoldaý bildirgen otbasyma alǵys aıtamyn. Joldasym meniń jumysyma túsinistikpen qaraıdy, demep otyrady. Keıde jumystyń kóptiginen ýaqytynda shyǵa almaı, keshigip, keıdi tipti qonyp qalǵan kezder de bolady. Ekinshiden áriptesterime alǵys aıtamyn. Óıtkeni «jumyla kótergen júk jeńil» deıdi ǵoı.

Barlyǵymyzdyń bir jeńnen qol, bir jaǵadan bas shyǵara bilýimizdiń arqasynda qıyndyqty eńserdik.

- Otbasyńyz týraly aıtsańyz.

- Joldasym áskerı qyzmetshi, shekara qyzmetinde qyzmet atqarady. Osy salada eńbek etip júrgenine 15 jylǵa jýyq. Tájirıbeli, óz isine adal maman. Men ony maqtan tutamyn. Eki qyzym, ulym bar.

- Alda medıtsına qyzmetkerleriniń kásibı merekesi kele jatyr. Áriptesterińizge tilegińiz.

- Medıtsına salasynyń qyzmetkerlerine, óz áriptesterime birinshiden densaýlyq jáne otbasy amandyǵyn tileımin. Elimiz aman, jurtymyz tynysh bolsyn. Dárigerlik anttaryńyzǵa berik bolyp, jumystaryńyzdyń jemisin kórińizder!

- Merýert Eleýsizqyzy, áńgimeńizge rahmet!


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT