+7 (701) 759 90 19
USD 397.56 EUR 445.94
RUB 5.82 CNY 55.96
Jańalyqtar

Koronavırýs: Qyzylordada keıbir shekteý sharalary qaıta engizilýi múmkin

2020 jylǵy 23 mamyr 00:00
Bólisińiz:
Koronavırýs: Qyzylordada keıbir shekteý sharalary qaıta engizilýi múmkin

QYZYLORDA. QazAqparat - Qyzylordada koronavırýs ınfektsııasyna baılanysty keıbir shekteý sharalary qaıta engizilýi múmkin. Bul jóninde tıisti sala basshylary jergilikti jurtshylyqqa eskertý jasady, dep habarlaıdy QazAqparat tilshisi.

Óńirlik kommýnıkatsııalar qyzmetinde ótken brıfıngte oblys ákiminiń orynbasary Naýryzbaı Baıqadamov aımaqta koronavırýs juqtyrǵandar sany aldyńǵy 2 aptaǵa qaraǵanda 43 jaǵdaıǵa ósip ketkenin aıtty. Qazir medıtsına mekemelerinde atalǵan dıagnoz qoıylǵan 60 naýqas em alyp jatyr. Onyń 6-ýy jansaqtaý bóliminde jatyr.

«Emdelip jatqan naýqastardyń 14 paıyzy - zeınetkerler. Aımaqta karantın talaptary jeńildegen eki apta ishinde betperde saýdasy 34 paıyzǵa tómendegen. Egde azamattardyń úıden shyǵyp, qaıtys bolǵan týystaryna kóńil aıtý, kishigirim otbasylyq toılardy atap ótý sekildi túrli sharalarǵa barýy jıilegen. Biz óńir turǵyndaryn barlyq qaýipsizdik sharalaryn saqtaýǵa jáne jaýapkershilikke shaqyramyz», - dedi oblys ákiminiń orynbasary.

Al oblystyq densaýlyq saqtaý basqarmasy basshysy Jaqsylyq Abdýsámetov sońǵy aptalarǵa sholý jasaǵanda sozylmaly naýqasy bar azamattar kóptep tirkelip jatqanyna toqtaldy. Alańdatarlyǵy, jansaqtaý bólimine túsetin naýqastar sany artyp ketken.

«Sondyqtan júrek aqaýy, ınsýlt alǵandar, qant dıabetimen aýyratyn egde azamattar asa saq bolǵany durys. Máselen, aýyrǵan bir naýqaspen 10-12 azamat qarym-qatynasta bolǵan dep eseptelýde. Árbir turǵyn qarym-qatynas aıasyn barynsha shektegeni durys», - dedi basqarma basshysy.

Oblystyq taýarlar, qyzmetterdiń sapasy men qaýipsizdigin baqylaý departamenti basshysynyń orynbasary, aımaqtyń bas sanıtarlyq dárigeri Álııa Ábdiqaıymova budan buryn halyqtyń ál-aýqatyn arttyrý, tynys-tirshiligin jandandyrý maqsatynda karantın talaptary jeńildetilgenin tilge tıek etti. Biraq, sońǵy ýaqytta indettiń taralýy áli de bolsa azamattardyń jaýapkershilikti sezinbeıtinin kórsetip otyr.

«Jaǵdaı ýshyǵa beretin bolsa, oblysta keıbir shekteý sharalaryn qaıta engizýge májbúr bolamyz. Aýrýmen kúres barlyq azamattyń ortaq múddesi bolýy tıis. Jastar arasynda aýrý belgisi bilinbeı ketýi yqtımal. Degenmen olar tasymaldaýshy bolyp shyǵýy múmkin. Biz aldaǵy 14-20 kúnniń ishinde jaǵdaıdyń qalaı ózgeretinin aıta almaımyz. Sebebi qazirgi beıǵamdyq statıstıkany múlde basqa jaqqa ózgertip jiberýi yqtımal», - dedi Á. Ábdiqaıymova.

Qazir Qyzylorda oblysynda koronavırýs ınfektsııasyn juqtyrǵan 275 adam tirkelgen.


Bizdiń kanalymyzǵa jazylyńyz:

Bólisińiz:

Avtor:

Ádiljan Úmbet

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT