+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Qorǵanys mınıstrliginde Otan qorǵaýshylar kúni men Jeńis kúnine arnalǵan saltanatty jıyn ótti

2021 jylǵy 6 mamyr 18:40
Bólisińiz:
Qorǵanys mınıstrliginde Otan qorǵaýshylar kúni men Jeńis kúnine arnalǵan saltanatty jıyn ótti

NUR-SULTAN. QazAqparat - Qazaqstan Respýblıkasynyń Qorǵanys mınıstrliginde Otan qorǵaýshylar kúni men Jeńis kúnine arnalǵan saltanatty jınalys ótti, dep habarlaıdy QazAqparat.

Qorǵanys mınıstri general-leıtenant Nurlan Ermekbaev bastaǵan Qazaqstan Respýblıkasy Qarýly Kúshteriniń joǵary basshylyq quramy qyzmettik boryshyn atqarý kezinde qaza tapqan áskerı qyzmetshilerdi bir mınýt únsizdikpen, «Máńgi esimizde» monýmentine gúl shoqtaryn qoıýmen eske aldy.

Jeke quram aldynda sóılegen sózinde Qorǵanys vedomstvosynyń basshysy áskerı qyzmetshiler jaýyngerlik ázirliktiń joǵary deńgeıin udaıy qoldaı otyryp, Otan aldyndaǵy konstıtýtsııalyq boryshyn bedeldi oryndaıtynyn atap ótti.

2020 oqý jylynyń ózinde Qarýly Kúshterde 60 myńnan astam maman daıarlanyp, 74 myńnan astam shara, onyń ishinde brıgadalyq taktıkalyq jáne keme oqý-jattyǵýlary, tájirıbelik atystary, dalalyq shyǵýlar, ushý aýysymdary, súńgýirlik jattyǵýlar, parashıýtpen sekirýler ótkizildi.

General-leıtenant Nurlan Ermekbaev QR Prezıdenti – Qarýly Kúshterdiń Joǵarǵy Bas qolbasshysy Qasym-Jomart Toqaevtyń áskerlerge basshylyq etý men olardy basqarý, olardyń joǵary jaýyngerlik ázirligin qoldaý jáne memlekettiń qorǵanys qabiletin qamtamasyz etý isinde qol jetkizgen tabystarǵa joǵary baǵa berilgenin erekshe atap ótti.

Jýyrda Aqordada Memleket basshysy Qorǵanys mınıstriniń orynbasary Rýslan Shpekbaev pen Bas shtab bastyǵynyń birinshi orynbasary Marat Qusaıynovqa joǵary ofıtserler quramynyń kezekti «general-leıtenant» áskerı ataǵyn tabys etti.

Al Bas shtab bastyǵynyń orynbasary Serik Borambaev, «Batys» jáne «Astana» óńirlik qolbasshylyqtary áskerleriniń qolbasshylary Nurlan Aldııarov pen Mereke Kúshekbaev, «Shyǵys» óńirlik qolbasshylyǵy shtabynyń bastyǵy Qýanyshbek Úshtaev, Qarýly Kúshterdiń Tyl bastyǵy Almaz Ahmadıev «general-maıor» áskerı ataǵyn ıelendi.

Prezıdenttiń Jarlyǵymen Qarýly Kúshterdiń 23 áskerı qyzmetshisi men azamattyq personal ókilderi memlekettik marapatqa laıyqty dep tanyldy.

– Qarýly Kúshterdiń barlyq jeke quramynyń qyzmetine berilgen osyndaı baǵa bizge úlken jaýapkershilik júkteıdi, - dedi Qorǵanys mınıstri.

Saltanatty shara sońynda Qorǵanys mınıstri memlekettik nagradalar men merziminen buryn berilgen áskerı ataqtardy tabystady.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT