+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Qorǵanys mınıstri merzimdi áskerı qyzmettegi sarbazdarmen kezdesti

2021 jylǵy 12 maýsym 16:06
Bólisińiz:
Qorǵanys mınıstri merzimdi áskerı qyzmettegi sarbazdarmen kezdesti

ÓSKEMEN. QazAqparat - Qorǵanys vedomstvosynyń basshysy Shyǵys Qazaqstan oblysyna jumys saparymen baryp, Semeı men Jańǵyztóbe áskerleriniń tynys-tirshiligine qatysty negizgi máselelerdi qarady, dep habarlaıdy QazAqparat QR Qorǵanys mınıstrliginiń baspasóz qyzmetine silteme jasap.

Uqsas jańalyqtar
ShQO-da polıtsııa qyzmetkerleri boryshkerlerden 17 mln teńge óndirdi ShQO-da 101 myń adam daýys bergen ákimder saılaýynyń qorytyndysy shyqty Aıaýjan Ashımova: Aýyl jurtshylyǵy saılaýǵa zor qyzyǵýshylyq bildirip otyr

Semeı garnızonynda general-leıtenant Nurlan Ermekbaev mehanıkalandyrylǵan jáne artıllerııa brıgadalarynyń oqý-materıaldyq bazasymen tanysty.

Qorǵanys mınıstrine jaýyngerlik basqarý synyptaryn, artıllerııa atysyn basqarý jáne atys trenajerlaryn, sonymen qatar bólimder aýmaǵyndaǵy jabdyqtalǵan atys tırin kórsetti. Komandırlerdiń baıandamasyna sáıkes olardy qoldaný jaýyngerlik daıarlyq sabaqtarynyń qarqyny men sapasyn arttyrýǵa yqpal etedi. Jaqynda bólim aýmaǵynda jabdyqtalǵan atys qarýyna arnalǵan polıgondaǵy ashyq tırde sabaqtar tekserildi.

Sońǵy ýaqytta barlyq óńirlik qolbasshylyqtarda jáne qarýly kúshter túrlerinde ónertapqyshtyq jumystar belsendi damýda. Semeı garnızony áskerı qyzmetshileri jasaǵan kóptegen ázirlemelerimen tanysqan mınıstr laýazymdy tulǵalardyń oqý-materıaldyq bazany jetildirý jónindegi bastamasyn atap ótti. Nurlan Ermekbaev barlyq áskerı bólimderde osyndaı jumysty uıymdastyrý qajettigin aıtyp, Qarýly Kúshterde úzdik ónertapqyshtar konkýrsyn uıymdastyrýdy tapsyrdy.

Sapar barysynda oq-dárilerdi saqtaý qoımalarynyń dıversııaǵa jáne órtke qarsy qaýipsizdigin qamtamasyz etý jaǵdaıy tekserildi. Qorǵanys vedomstvosynyń basshysy qoımalar men saqtaý bazalary janyndaǵy tyıym salynǵan aýdandardyń shekaralaryn naqtylaý jumystaryn jedeldetýdi tapsyrdy. Budan ózge, mınıstr áskerı nysandarǵa jaqyn ornalasqan sharýashylyq sýbektilerimen jumys júrgizýge tıisti jergilikti atqarýshy organdarmen ózara tyǵyz is-qımyl uıymdastyrýdy eskertti.

Qarýly Kúshterde azamattyq ınfraqurylym men turǵyndar úshin áskerı obektilerdiń qaýipsizdigin qamtamasyz etýde júıeli jumys júrgizilýde. Qorǵanys mınıstrliginiń bastamasymen 2020 jyly zańǵa qajetti ózgerister ázirlenip, engizilgen. Tyıym salynǵan aımaqtar men aýdandardy naqtylaýdy esepteý ádistemesi qabyldandy.

Qazirgi kezde jergilikti atqarýshy organdarmen birlesip tyıym salynǵan aımaqtardy apatty jaǵdaıdan jáne zańsyz qurylystardan bosatý jumystary júrgizilýde.

Osy oraıda «Jol kartasy» baǵdarlamasy ázirlenip, iske asyrylýda. Oq-dárilerdiń jekelegen túrleri eldi mekenderden alys qoımalarǵa kóshirilip, saqtaý obektilerin jabdyqtaý men jóndeý júrgizilýde.

Budan ózge, alǵash ret qorǵanys vedomstvosy áskerı tehnıkalarǵa keshendi túgendeý júrgizip, onyń jaǵdaıyna baǵa berdi. Paıdalaný merzimi ótken jáne paıdalanylmaıtyn áskerı múlik ári qaraı joıý nemese kádege jaratý úshin ýákiletti organnyń vedomstvolyq (Indýstrııa jáne ınfraqurylymdyq damý mınıstrliginiń) uıymdaryna beriledi.

Mehanıkalandyrylǵan brıgadanyń jaýyngerlik daıarlyq barysy derbes tekserildi. Qazirgi ýaqytta mamandyq boıynsha oqý júrgizilýde. Onyń aıasynda barlyq áskerı qyzmetshiler ózderine bekitilgen tehnıka men qarý-jaraqty, atqaratyn laýazymy boıynsha mindetterdi oryndaý kezindegi is-qımyl tártibin zerdeleıdi. Mınıstr sabaqtardyń sapasyna jáne jaýyngerlik oqý-jattyǵý nátıjeleriniń naqty baǵalanýyna nazar aýdardy.

Qorǵanys vedomstvosynyń basshysy sondaı-aq, Shyǵys-Qazaqstan oblysyndaǵy jergilikti basqarý organdarynyń áskerge shaqyrý naýqanyn uıymdastyrýymen tanysty.

Áskerı bólimderdi aralaý barysynda Qorǵanys mınıstri 2021 jyldyń kókteminde merzimdi áskerı qyzmetke shaqyrylǵan áskerı qyzmetshilerimen áńgimelesti. Jas jaýyngerler áskerı qyzmetten alǵan alǵashqy áserlerimen bólisti. Ásirese, jaýyngerlik oqý-jattyǵý, áskerı ómirdiń qaǵıdalary, tamaqtaný sapasy, bos ýaqyt pen demalysty uıymdastyrý týraly aıtty. General-leıtenant Nurlan Ermekbaev sarbazdardy qyzyqtyrǵan suraqtarǵa, onyń ishinde kelisimshart boıynsha áskerı qyzmetti jalǵastyrý men áskerı oqý oryndaryna túsý múmkindikteri jóninde anaǵurlym kóp kóterilgen taqyryptarǵa jaýap berdi.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059

MURAǴAT