+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Kópirden sekirgen áıeldi qutqarǵan oraldyq áskerı qyzmetshi medalmen marapattaldy

2021 jylǵy 7 mamyr 07:50
Bólisińiz:
Kópirden sekirgen áıeldi qutqarǵan oraldyq áskerı qyzmetshi medalmen marapattaldy

ORAL. QazAqparat – Kópirden sekirgen áıeldi qutqarǵan QR Ulttyq ulany «Batys» óńirlik qolbasshylyǵyna qarasty 5517-áskerı bóliminiń áskerı qyzmetshisi, aǵa serjant Asqar Nurǵalıev «Jaýyngerlik erligi úshin» medalimen marapattaldy, dep habarlaıdy QazAqparat tilshisi.

Uqsas jańalyqtar
Japonııada belgisiz bireý bes adamǵa pyshaq salǵan Cemeıde bir aı buryn joǵalyp ketken 55 jastaǵy er adam áli tabylmaı jatyr Atyraý oblysynda bir kúnde eki adam sýǵa ketti

«Batys» óńirlik qolbasshylyǵy baspasóz qyzmetiniń jetekshisi, podpolkovnık Erbolat Sultanovtyń málim etkenindeı, Memleket basshysy atynan Ulttyq ulan qyzmetkerine nagradany QR Іshki ister mınıstri Erlan Turǵymbaev saltanatty jaǵdaıda tabys etti.

«Óz is-áreketimdi erlik dep eseptemeımin. Meniń ornymda bolǵan kez kelgen adam solaı eter edi. Sol sátte qalaı júzip barǵanym da esimde joq, bar oıym áıeldi qutqarý edi. Onyń ústinde qalyń kúrte boldy. Qatty aǵyspen alysa otyryp, jaǵaǵa alyp shyqtym», dep eske alady Asqar Nurǵalıev.

Bul oqıǵa ótken jyly 26 qazan kúni bolǵan edi. A.Nurǵalıev Shaǵan ózenindegi kópirden sekirgen áıeldi qutqaryp qalǵan bolatyn.

Asqar 1983 jyly 5 shildede Bókeı ordasy aýdany Bısen aýylynda dárigerler otbasynda dúnıege keldi. Ákesi Temirbolat ómir boıy aýyldaǵy aýrýhanada hırýrg, anasy Gúlbahram terapevt dáriger retinde eńbek etti.

Asqar otbasyndaǵy tórt balanyń ekinshisi edi. Іnisi Abylaıhanǵa qamqor boldy. Apasy Danagúl ata-ana jolyn qýyp, dáriger bolsa, qaryndasy Quralaı aýyldaǵy mektepte muǵalim. Abylaıhan – búginde kásipker.

Bala jasynan áskerı qyzmetker bolýdy armandaǵanymen, bastapqyda 12 jyldan astam ýaqyt boıy munaı kompanııasynda qyzmet etti. 2005 jyly 5517-áskerı bólimine 1-atqyshtar rotasynda baqylaýshy qyzmetine kelisimshartpen ornalasty. Minsiz qyzmet etýi arqasynda 2018 jyly osy rotada baqylaýshylar jasaǵynyń bastyǵy bolyp taǵaıyndaldy.

Asqar ózine ómirlik serik bolatyn jar da tańdaı bildi. 2004 jyly Gúlmaıdanmen tanysyp, bir jyldan soń otaý tikti. Qazir olar Ulan, Shákárim, Álıhan, Dinmuhamed esimdi tórt uldy tárbıelep otyr. Gúlmaıdan qalaǵa jaqyn ornalasqan Báıterek aýdany Úlken Shaǵan mektebinde muǵalim bolyp eńbek etedi.

«Budan bylaı da Ulttyq ulan qataryndaǵy qyzmetimdi abyroımen atqarýǵa bar kúsh-jigerimdi jumsaı beretin bolamyn», deıdi Asqar Nurǵalıev.

Eske sala keteıik, budan buryn kópirden sekirgen áıeldi qutqarǵan áskerı qyzmetshini BQO ákimi qabyldaǵanyn jazǵan bolatynbyz.

Sondaı-aq jýyrda Oralda aspaly kópirden sekirip ketken jas qyzdy da eki jigit qutqaryp qaldy.

Qazirgi tańda Oralda joǵalyp ketken 15 jasar qyz izdestirilip jatyr.



Bizdiń kanalymyzǵa jazylyńyz:

Bólisińiz:

Avtor:

Eljan Eraly

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT