USD 434.84 EUR 498.2
RUB 5.72 CNY 68.47
Jańalyqtar

Kelesi jyly Mańǵystaý aýyldary 100% aýyz sýmen qamtylady – Nurlan Noǵaev

2021 jylǵy 25 qarasha 15:40
Bólisińiz:
Kelesi jyly Mańǵystaý aýyldary 100% aýyz sýmen qamtylady – Nurlan Noǵaev

NUR-SULTAN. QazAqparat – Mańǵystaý oblysynyń ákimi Nurlan Noǵaev óńirdegi aýyz sý tapshylyǵy máselesin sheshý úshin qabyldap jatqan sharalaryna toqtaldy, dep habarlaıdy QazAqparat.

Uqsas jańalyqtar

«Oblystyń damýy men halyq sanynyń qarqyndy ósýine oraı óńirde sýǵa degen suranys artyp keledi. Búgingi kúni oblys 154 myń tekshe metr sý tutynady. Jaz mezgilinde mamyr aıynan qyrkúıeek deıin 51 myń tekshe metr sý jetispeıdi. Al, 2025 jylǵa qaraı tutyný 250-260 myń tekshe metrge jetedi degen boljam bar», - dedi N. Noǵaev Ortalyq kommýnıkatsııalar qyzmetinde ótken brıfıngide.

Ákimniń aıtýynsha, sý tapshylyǵyn joıý jóninde oblysta 9 joba iske asyp jatyr.

«Onyń ekeýi kelesi jyldyń birinshi jartyjyldyǵynda bastalady. Birinshisi – Aqtaý qalasynda «Kaspıı» sý tushytý zaýytynyń qýatyn 20 myńnan 40 myń tekshe metrge deıin jetkizý. Ekinshisi – Qarajanbas ken ornynda táýligine 17 myń tekshe metr sý tushytatyn zaýyt bıyl iske qosylady. Sonda 51 myń tekshe metrdiń 31 myńy qamtamasyz etiledi. Saıtta kórsetilgendeı, 9 joba júıeli túrde júzege asyrylýda. Máselen, «QazMunaıGaz» kompanııasy Kendirli aýylynda táýligine 50 myń tekshe metr sý tushytý zaýytyn salyp jatyr», - dedi N. Noǵaev.

Spıker Memleket basshysynyń óńirdegi aýyz sý tapshylyǵyn sheshý úshin naqty tapsyrmalardy júktegenin eske saldy.

«Biz belsendi jumysty bastadyq, ınvestorlarmen kelissózder júrgizýdemiz, basqa elderdiń tájirıbesin zerdeleýdemiz. Qazir Mańǵystaý oblysynda aýyz sý tapshylyǵy máselesin sheshý bizdiń basty mindetimiz bolyp otyr. Aqtaý qalasy, Jańaózen jáne Fort-Shevchenko qalalarynda aýyz sýmen qamtamasyz etý 100 paıyzǵa jasaqtalǵan. Qazirgi ýaqytta aýyldyq eldimekenderdi qamtý ótken jyly 92 paıyz bolsa, bıylǵy jyldyń qorytyndysy boıynsha 96,2 paıyz bolady.

Oblysta barlyǵy 59 aýyldyq eldimeken bar, sonyń 47-si aýyz sýmen qamtylǵan. 12 aýyldy Prezıdent 2022 jylǵa deıin ortalyqtandyrylǵan sýmen qamtamasyz etýdi tapsyrdy. Bıyl ortalyqtandyrylǵan sýmen 2 aýyl qamtylady: Beki jáne Basqudyq. Nátıjesinde eldi mekenderdi ortalyqtandyrylǵan aýyz sýmen qamtamasyz etý 96%-ǵa jetedi. Qalǵan 10 aýyldy aýyz sýmen qamtýdy 2022 jyldyń sońyna deıin aıaqtaý josparlanýda», - dedi N. Noǵaev.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT