+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Qazan aıynan múgedek adamdar jańa járdemaqy alady

2021 jylǵy 28 qyrkúıek 13:36
Bólisińiz:
Qazan aıynan múgedek adamdar jańa járdemaqy alady

NUR-SULTAN. QazAqparat – Kelesi aıdan múgedek adamdar jańa járdemaqy ala bastaıdy. Bul týraly QR Eńbek jáne halyqty áleýmettik qorǵaý vıtse-mınıstri Erlan Áýkenov aıtty, dep habarlaıdy QazAqparat tilshisi.

Uqsas jańalyqtar
Múgedektigi bar adamdardyń ómir súrý sapasyn arttyrý boıynsha qandaı jumystar atqarylýda Az qamtylǵan otbasyndaǵy oqýshylardy áleýmettik qoldaýdy kúsheıtý kerek - depýtat Ekonomıka mınıstrligi Úkimette úsh Ulttyq jobany tanystyrdy

«2019 jyly Úkimet qaýlysymen múgedek adamdardyń quqyqtaryn qamtamasyz etý jáne turmys sapasyn jaqsartý jónindegi ulttyq jospar qabyldandy. Ulttyq jospar múgedektigi bar adamdardy áleýmettik qorǵaý salasyndaǵy úılestirý keńesiniń, jurtshylyqtyń qatysýymen ázirlendi jáne 7 baǵytty qamtıdy, 64 is-sharadan turady, ony 7 (jeti) ortalyq memlekettik organ iske asyrady. Ulttyq Jospardy iske asyrý úshin Eńbek mınıstrligi múgedektigi bar adamdardyń quqyqtary men áleýmettik qorǵalýyn qamtamasyz etý salasyndaǵy zańnamany jetildirýde», - dedi ol Ortalyq kommýnıkatsııalar qyzmetindegi baspasóz máslıhatynda.

Onyń atap ótýinshe, sońǵy eki jylda osy baǵytta 1 Kodekske, 2 Zańǵa, Prezıdenttiń 1 Jarlyǵyna, Úkimettiń 2 qaýlysyna, Ulttyq bank basqarmasynyń 1 qaýlysyna, mınıstrlikterdiń 12 buıryǵyna ózgerister engizý jáne ázirleý boıynsha jumys júrgizildi.

«Ótken beısenbi, 23 qyrkúıekte Parlament Senatynyń jalpy otyrysynda «Qazaqstan Respýblıkasynyń keıbir zańnamalyq aktilerine azamattardyń jekelegen sanattaryn áleýmettik qorǵaý máseleleri boıynsha ózgerister men tolyqtyrýlar engizý týraly» Zań qaralyp, maquldandy. Jaqyn arada zań Memleket basshysyna engiziledi, is júzinde jýyrda onyń qabyldanýyn kútemiz. Zań jobasy boıynsha jumys 2019 jyly bastalǵan bolatyn», - dedi vıtse-mınıstr.

Vıtse-mınıstrdiń dereginshe, zańda 19 túbegeıli túzetý qamtylǵan jáne 16 zańnamalyq aktige ózgertýler engizýdi kózdeıdi.

«Zań normalaryn júzege asyrý úshin osy jáne kelesi jylǵa 55 mlrd teńge bólindi. Kelesi aıdan bastap múgedek adamdar jáne múgedek balalardy tárbıelep otyrǵan otbasylary jańa járdemaqy ala bastaıdy ári jańashyldyqty sezinedi», - dedi Erlan Áýkenov.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT