Qazaqstannyń ushý qaýipsizdigin qamtamasyz etý deńgeıi artty
2022 jylǵy 18 mamyr 09:31

Qazaqstannyń ushý qaýipsizdigin qamtamasyz etý deńgeıi artty

NUR-SULTAN. QazAqparat - Belgııa astanasy Brıýssel qalasynda EO-ǵa múshe 27 eldiń avıatsııalyq bılik oryndary basshylarynyń qatysýymen Eýropalyq Odaqtyń Ushý qaýipsizdigi jónindegi Komıtetiniń otyrysy ótti, dep habarlaıdy QR IIDm baspasóz qyzmeti.

Jıynda Qazaqstannyń azamattyq avıatsııa salasyndaǵy ahýal jáne ushý qaýipsizdigi jónindegi esebi tyńdaldy.

QR IIDM Azamattyq avıatsııa komıtetiniń tóraǵasy Talǵat Lastaev bastaǵan, quramynda QR Indýstrııa jáne ınfraqurylymdyq damý mınıstriniń keńesshisi Azat Bekturov, «Qazaqstannyń avıatsııalyq ákimshiligi» AQ Bas dırektory Katalın Radý, QR Belgııadaǵy Elshiliginiń jáne «Eır Astana» áýekompanııasynyń ókilderi bar qazaqstandyq delegatsııa Qazaqstannyń ushý qaýipsizdigi salasyndaǵy ilgerileýi men qabyldap jatqan sharalary týraly baıandady. Sondaı-aq, qazaqstandyq tarap Halyqaralyq azamattyq avıatsııa uıymynyń (IKAO) aýdıtorlarynyń IKAO-nyń Úılestirilgen valıdatsııalyq mıssııasy (ICVM) sheńberinde táýelsiz tekserýi týraly habardar etti, onda Qazaqstan ushý qaýipsizdigin qamtamasyz etý deńgeıin 74%-dan 84%-ǵa deıin arttyrdy, bul ortasha álemdik kórsetkishten 15%-ǵa joǵary.

Eýropalyq Odaqtyń Ushý qaýipsizdigi komıtetiniń músheleri Qazaqstan qol jetkizgen nátıjelerdi joǵary baǵalady jáne Qazaqstannyń ushý qaýipsizdigi deńgeıin arttyrý jónindegi kúsh-jigerin qoldady.

Qazirgi ýaqytta qazaqstandyq áýe kompanııalar úshin Eýropa elderine ushýǵa shekteýler joq ekenin atap ótý qajet.

Qazaqstandaǵy aǵymdaǵy ushý qaýipsizdigi jaǵdaıynyń resmı baǵasyn Eýropalyq Odaq aǵymdaǵy jyldyń maýsym aıynyń basynda jarııalaıtyn bolady.


Uqsas jańalyqtar

Jańalyqtar

MURAǴAT