+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Qazaqstannyń 2,8 myńǵa jýyq kásiporny qaýipsizdik jáne eńbekti qorǵaý standarttaryn engizdi

2021 jylǵy 15 maýsym 13:21
Bólisińiz:
Qazaqstannyń 2,8 myńǵa jýyq kásiporny qaýipsizdik jáne eńbekti qorǵaý standarttaryn engizdi

NUR-SULTAN. QazAqparat – 2020-2021 jyldary memlekettik eńbek ınspektorlary 11 myńnan astam zańbuzýshylyqty anyqtady. Bul týraly QR Úkimetiniń otyrysynda Eńbek jáne halyqty áleýmettik qorǵaý mınıstri Serik Shápkenov aıtyp berdi, dep habarlaıdy QazAqparat tilshisi.

Zańbuzýshylyqtardyń 34% eńbek qaýipsizdigi jáne eńbekti qorǵaý salasyna tıesili. Atap aıtqanda, qaýipsiz eńbek jaǵdaılaryn qamtamasyz etpeý jáne jumysshylardy eńbek qaýipsizdigi boıynsha oqytý men nusqama júrgizbeý jaǵdaılary kóp kezdesedi.

«Jumys berýshilerge 4,3 myńnan astam nusqama berilip, 278 mln teńge somada 1,6 myńnan astam aıyppul salyndy. Laýazymdy tulǵalardyń jaýapkershiligin qaraý maqsatynda memlekettik eńbek ınspektorlary, eńbekti qorǵaý talaptaryn buzý faktileri boıynsha materıaldardy quqyq qorǵaý organdaryna jiberdi, olar boıynsha 193 qylmystyq is qozǵaldy. Qazirgi ýaqytta memlekettik baqylaý quraldaryn jetildirý maqsatynda eńbekti qorǵaý talaptarynyń saqtalýyna profılaktıkalyq baqylaýdy kúsheıtý úshin aqparat kózderi men táýekelderdi avtomattandyrý boıynsha jumystar júrgizilýde», - dedi Serik Shápkenov Úkimet otyrysynda.

Táýekelderdi basqarýdyń zamanaýı júıesin engizý maqsatynda elimizdiń 2,8 myńǵa jýyq kásiporny qaýipsizdik jáne eńbekti qorǵaý standarttaryn engizgen.

«Respýblıka kásiporyndarynda 15 myń óndiristik keńester jumys isteıdi, olardyń mindetterine eńbekti qorǵaý boıynsha 17 myńnan astam tehnıkalyq ınspektorlardyń qatysýymen jumys oryndaryndaǵy eńbek jaǵdaılaryn tekserýdi uıymdastyrý kiredi. Eldegi 216 kásiporyn Halyqaralyq áleýmettik qaýipsizdik qaýymdastyǵy ázirlegen «Vision Zero - Nóldik jaraqat» tujyrymdamasyn engizdi. Osylaı jumys berýshilerdi yntalandyrý úshin olardy deklaratsııalaý qaǵıdattary negizinde profılaktıkalyq baqylaýdan bosatýdy kózdeıtin zańnamaǵa ózgerister engizý qarastyrylýda», - deıi Eńbek mınıstri.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT