+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

Qazaqstandyqtar nysana kózdeýden Azııa chempıonatynda kósh bastady

2021 jylǵy 19 qyrkúıek 18:12
Bólisińiz:
Qazaqstandyqtar nysana kózdeýden Azııa chempıonatynda kósh bastady

ShYMKENT. QazAqparat - Shymkentte nysana kózdeýden 14-shi Azııa chempıonaty aıaqtaldy. Qurlyqtyq jarys nátıjesi boıynsha Qazaqstan komandasy 12 altyn jeńip aldy, dep habarlaıdy Olympic.kz.

Qazaqstandyq mergender 12 altyn, 12 kúmis jáne 12 qola medalmen jalpykomandalyq esepte kósh bastady.

Ekinshi orynǵa 5 altyn, 8 kúmis jáne 4 qola medal jeńip alǵan Ózbekstan komandasy, úshinshi satyǵa 5 altyn jáne 3 kúmis ıelengen Indonezııa quramasy jaıǵasqan.

Azııa birinshiligine qurlyqtyń 10 memleketinen 176 sportshy qatysty. Komandalar arasynan Kýveıt quramasy ǵana júldesiz qaldy.

Nysana kózdeýden Qazaqstan komandasynyń bas bapkeri Olga Dovgýnnyń aıtýynsha, bul - otandyq mergender úshin eń joǵarǵy kórsetkish.

«Biz Azııa chempıonaty syndy iri básekeni óz jerimizde alǵash ret ótkizip turmyz. Osy oraıda, atalǵan birinshilik uıymdastyrý jaǵynan da bizge úlken tájirıbe boldy. Qurlyqtyq doda óz elimizde ótip jatqandyqtan, eresekter men jasóspirimder arasynda tolyq quram qatystyrýǵa, aldaǵy býyndy da bir tekserip alýǵa tyrystyq. Azııa chempıonatyndaǵy nátıjemiz kóńilden shyǵary. Qazaqstan rekordy jańarǵanyn kórdińizder. Jaı ǵana jańaryp qoıǵan joq, mundaı nátıjemen álemdik jarystarda fınalǵa ótip, júldege talasýǵa múmkindik bar. Barlyq sportshylar ózderin jaqsy qyrynan kórsetti. Jasóspirimder mundaı iri jarysqa alǵash qatysyp tursa da, ataqty qarsylastarynan qoryqpaı, fınalda jaqsy nátıje tirkedi. Eresekter arasynan el rekordyn jańartqan Islam Ýseınovty erekshe atap ótkim keledi. Jasóspirimder arasynan Nıkıta Shahtorın kózge tústi. Ol da el rekordyna túzetý engizdi. Osy doda arqyly biz jas sportshylardyń áleýetin de bir synap aldyq. Azııa chempıonatyn abyroımen ótkizgeni úshin barlyq sportshylarǵa, bapkerler men uıymdastyrýshylarǵa alǵys aıtamyn»,- deıdi bas bapker Olga Dovgýn.

Shymkentte ótken Azııa chempıonatynda altyn medal jeńip alǵan qazaqstandyq sportshylar:

1. Islam Ýseınov (jekeleı syn, komandalyq syn, QR rekordy)

2. Eldar Imanqulov (jekeleı jáne komandalyq syn)

3. Zýhra Irnazarova (jekeleı syn)

4. Nıkıta Shahtorın (jekeleı jáne komandalyq syn, jasóspirimder arasynda el rekordy)

5. Aleksandra Le (jekeleı syn, jasóspirimder)

6. Saltanat Ázimbaeva (jekeleı syn, jasóspirimder)


Bizdiń kanalymyzǵa jazylyńyz:

#Sport  
Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT