Qazaqstandyq jas tennısshiler Bishkektegi týrnırde úzdik shyqty
2022 jylǵy 23 mamyr 09:21

Qazaqstandyq jas tennısshiler Bishkektegi týrnırde úzdik shyqty

BІShKEK. QazAqparat – Qyrǵyzstan astanasy Bishkekte besinshi sanattaǵy ITF Juniors jarysy márege jetti, dep habarlaıdy QazAqparat tilshisi.

Qazaqstan tennıs federatsııasy málim etkendeı, almatylyq Anastasııa Krymkova jekeleı synda fınalǵa deıin jetip, reseılik Emılııa Kattsqa ese jiberdi – 3:6, 2:6.

Juptyq synda taǵy bir qazaqstandyq Stefanııa Shalahova jeńimpaz atandy. Ol qyrǵyzstandyq Vladıslava Andreevskaıamen birge fınalda tartysty básekede Anastasııa Krymkova – reseılik Polına Bolotovany utty – 1:6, 6:1, 10:8.

Bozbalalar arasynda Danır Qaldybekov te jankúıerlerin qýantty. Ol qazaqstandyq Oleg Gýsakovpen birge sońǵy básekede otandasy Ilıa Vedmed – ózbekstandyq Artýr Ibragımovten aılasyn asyrdy – 6:3, 7:6 (8:6).

Eske sala keteıik, budan buryn qazaqstandyq jas tennısshilerdiń halyqaralyq jarystarda jeńimpaz atanǵanyn jazǵan bolatynbyz.


Jańalyqtar

MURAǴAT