Qazaqstandyq tennısshi Frantsııadaǵy jarystyń fınalyna shyǵa almady

NUR-SULTAN. QazAqparat - Qazaqstandyq Aleksandr Nedovesov juptyq synda Lıon (Frantsııa) ATP 250 týrnıriniń fınalyna shyǵa almady, dep habarlaıdy QazAqparat tilshisi.

Qazaqstandyq tennısshi pákistandyq Aısam-ýl-Hak Kýreshımen birge jartylaı fınalda osy jarystyń ekinshi raketkalary, argentınalyq Maksımo Gonsales - brazılııalyq Marselo Melomen sheberlik baıqasty.

Qazaqstandyq-pákistandyq jup 5:7, 4:6 esebimen ese jiberdi.

Endi A.Nedovesov 22 mamyrda bastalatyn Rolan Garros týrnırinde juptyq synda óner kórsetedi.

Sondaı-aq qazaqstandyq tennısshiler juptyq synda Shymkent chellendjer dodasynda da fınalǵa shyǵa almady.

Beıbit Jýkaev reseılik Alıbek Kachmazovpen birge jartylaı fınalda ózbekstandyq Sanjar Faızıev - grekııalyq Markos Kalovelonıspen kezdesti.

Tartysty ótken básekede qazaqstandyq-reseılik jupqa sál-pál sáttilik jetispedi - 7:5, 6:7 (5:7), 5:10.

Taǵy bir qazaqstandyq Grıgorıı Lomakın reseılik ıAn Bondarevskıımen birge japonııalyq Kaıchı Ýchıda - danııalyq Mıkael Torpegaardtan jeńilis tapty - 4:6, 1:6.

Eske sala keteıik, budan buryn Rolan Garros týrnırinde qazaqstandyq tennısshilerdiń qarsylastary anyqtalǵanyn jazǵan bolatynbyz.

Uqsas jańalyqtar

Qazaqstandyq tennısshi Serbııadaǵy týrnırdiń fınalyna shyqty

Qazaqstandyq tennısshi Mılandaǵy týrnırdiń jartylaı fınalyna shyqty

Mıhaıl Kýkýshkın Ýımbldonda onynshy ret óner kórsetedi