Qazaqstandyq eki boksshy qyz álem chempıonatynyń qola júldegeri atandy
2022 jylǵy 18 mamyr 19:44

Qazaqstandyq eki boksshy qyz álem chempıonatynyń qola júldegeri atandy

NUR-SULTAN. Qazaqparat - Ystanbulda áıelder arasynda ótip jatqan álem birinshiliginde qazaqstandyq eki boksshy qola júldeger atandy, dep habarlaıdy QazAqparat tilshisi.

2016 jylǵy álem chempıony Valentına Halzova 70 kelige deıingi salmaqta Mozambık eliniń ókili Alsına Helena Pangýanmen sheberlik baıqasty.

Jekpe-jekti táp-táýir bastaǵan Valentına sońǵy raýndta nokdanýǵa túsip qaldy.

Sóıtip Mozambık boksshysy óz eliniń tarıhynda tuńǵysh ret álem chempıonatynyń fınalyna shyqty.

Sondaı-aq búgin Aqmola oblysynyń ókili Karına Ibragımova 57 kelige deıingi salmaqta jartylaı fınalda taıbeılik Lın ıÝı Tınmen rıngke shyqty.

Bul jekpe-jekte tóreshilerdiń biraýyzdan sheshimimen 2018 jylǵy álem chempıony Lın ıÝı Tınniń mereıi ústem boldy – 5:0.

Osylaısha, K.Ibragımova óziniń sporttyq jolynda ekinshi ret álem chempıonatynyń qola júldegeri atandy.

Búgin keshki sessııada taǵy bir qazaqstandyq Dına Jolaman 54 kelige deıingi salmaqta rýmynııalyq Lakramıoara Perıshochpen judyryqtasady.

Eske sala keteıik, budan buryn Alýa Balqybekovanyń álem chempıonatynyń fınalyna ótkenin jazǵan bolatynbyz.


Jańalyqtar

MURAǴAT