+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Qazaqstandy tsıfrlandyrýmen tek qazaqstandyqtar ǵana aınalysady – Mýsın

2021 jylǵy 24 qazan 18:41
Bólisińiz:
Qazaqstandy tsıfrlandyrýmen tek qazaqstandyqtar ǵana aınalysady – Mýsın

NUR-SULTAN. QazAqparat - Qazaqstandy tsıfrlandyrýmen tek qazaqstandyqtar ǵana aınalysady. Bul týraly búgin óziniń Facebook-taǵy paraqshasynda QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın jazdy, dep habarlaıdy QazAqparat.

Uqsas jańalyqtar
Qazaqstanda ótken 2 jylda 39 mamandandyrylǵan IT-lıtseı ashyldy Qazaqstandyq jastar týrısterge arnalǵan mobıldi qosymsha jasap shyǵardy Bala dúnıege kele salyp avtomatty túrde balabaqsha kezegine qoıylady

Mınıstr aqparattyq tehnologııalar salasynda bolyp jatqan úrdisterge beı-jaı qaramaıtyn qoǵam qaıratkerlerimen kezdesý ótkizgenin aıtady.

«Úsh saǵat boıy biz jobanyń mán-jaıynan bastap, ІT-salanyń damýy men Qazaqstannyń álemdik tsıfrlandyrý barysyndaǵy róline qatysty túrli máselelerdi talqyladyq. Osy oraıda elimiz jahandyq damý úrdisinen qalmaý úshin tsıfrlandyrý qarqynyn kúsheıtý kerek degen oıymyz bir jerden shyqty.

Tsıfrlyq transformatsııa degenimiz, bul – tehnologııalyq jańashyldyqtar negizinde memlekettik basqarý júıesin qaıta qurý. Bul memqyzmetterdi jaı ǵana avtomattandyrý emes, osy qyzmetterdiń mán-mańyzyn zerdeleı otyryp, fýnktsııalar men servısterdi túgeldeı qaıta qarastyrý. Áıtpese bári de avtomattandyrylǵan haosqa aınalyp ketýi múmkin. Al platforma – bul tek qana tehnıkalyq másele, onyń ústine tsıfrlyq transformatsııa jasaýdaǵy eń basty jaıt emes.

Kezdesý nátıjesinde biz barlyq taraptardyń oı-pikirin eskere otyryp, mynadaı mámilege keldik»,-dep jazdy Baǵdat Mýsın.

«Birinshiden, biz ónimdi bastapqy kodtarymen birge alamyz. Qarapaıym tilmen aıtsaq, biz jasalý joly men nusqaýlyǵy bar konstrýktor men quraldar satyp almaqpyz. Biz daıyn qural-jabdyqtardy paıdalanyp, qajet bolsa, ony ári qaraı damytyp, konstrýktordy barynsha jetildire alamyz. Bul konstrýktordan ne jasaý kerektigin biz sheshemiz. «Qara jáshik», ıaǵnı túsiniksiz áldebir nárseni satyp alǵaly jatqan joqpyz, sondyqtan biz áldebireýlerdiń aıtqanyna kónip, aıdaǵanyna júre bermeımiz. Taǵy da qaıtalap aıtqym keledi – bastapqy kodtar bizde bolady.

Biz platformanyń tolyqqandy nusqasy bar túrli kompanııalarmen sóılestik, biraq bári de tek qana pakettik sheshimderdi usynýda, al mundaı jaǵdaıda biz sheteldik mamandarǵa táýeldi bolyp qalýymyz yqtımal. Buǵan biz jol bere almaımyz.

Ekinshiden, serverler Qazaqstannyń jerinde jáne qorǵalǵan kontýrlarda saqtalady. Bul degenimiz, oǵan eshkim, ásirese shet memleketter tipti de qol jetkize almaıdy. ıAǵnı biz Ulttyq aqparattyq qaýipsizdik talabyna saı sheteldikterdiń bul protseske kirisýine, sonyń ishinde tehnıkalyq súıemeldeýine jol bermeıtinimiz aıdan anyq.

Úshinshiden, bul ispen (konstrýktordyń daıyn quraldarymen jasaý) tek qana Qazaqstan azamattary aınalysady. Onyń ústine, men bul normany barlyq qujattarda bekitýge daıynmyn. Bul – jobaǵa bólinip jatqan qarajattyń negizgi bóligi Qazaqstannyń ekonomıkasyna quıylady degen sóz jáne qazaqstandyq IT mamandarynyń jalaqysyna jumsalady.

Tórtinshiden, bul jumysqa otandyq ІT-kompanııalar tartylady. Kompanııa, ıaǵnı naryqtaǵy bir-eki iri kompanııanyń monopolııasy bolmaıdy.

Besinshiden, jalpy ІT-salany damytý, sonyń ishinde platformany jetildirý úshin biz joǵary bilikti kadrlardy daıyndaý qarqynyn kúsheıtý kerekpiz.

Altynshydan, biz aldaǵy is-áreketterimizdi ashyq jáne jarııaly etýge tıispiz.

Bul oraıda qoǵam qaıratkerleriniń usynysyn tolyqtaı qoldap, tsıfrlyq transformatsııa sııaqty mańyzdy úrdistiń barynsha ashyq júrgizilýin qamtamasyz etý úshin Mınıstrlik janyndaǵy qoǵamdyq keńestiń quramyn keńeıtý kerektigimen kelisemin.

Al sarapshylardyń baǵasyn alý úshin biz ІT-bıznes ókilderi men tehnologııany jete túsinetin mamandardan turatyn saraptamalyq keńes qurdyq. Sondaı-aq bul keńestik quramynda belsendi qoǵamnyń ókili Muhtar Taıjan da bar.

Salmaqty jáne oryndy syn aıtyp jatqan qazaqstandyqtarǵa taǵy da alǵys aıtamyn. Aldaǵy ýaqytta tsıfrlandyrý barysynda qandaı bir túsinispeýshiliktiń aldyn alý úshin mundaı kezdesýler kóbeıedi degen oıdamyn.

Aqparattyq vakýým biraz qısynsyz pikirler týyndatqanyn moıyndaımyn, sondyqtan bizdiń jumys jaıly jıi jazyp turýǵa ýáde beremin!»,-dep qorytty mınıstr.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT