Qazaqstanda temeki qymbattaıdy
2022 jylǵy 19 mamyr 12:01

Qazaqstanda temeki qymbattaıdy

NUR-SULTAN. QazAqparat – Aldaǵy jyldary aktsızderdiń kóterilýine oraı temeki baǵasy ósedi. Bul týraly QR Premer-Mınıstriniń orynbasary – Qarjy mınıstri Erulan Jamaýbaev málim etti, dep habarlaıdy QazAqparat tilshisi.

Búgin Senatta tilshiler Qarjy mınıstrine temekige jáne quramynda qanty bar sýsyndarǵa aktsızder engizýge qatysty suraq qoıdy.

«2024 jylǵa deıin temekige aktsız mólsherlemesin 35 eýroǵa kóterýdi josparlap otyrmyz. ıAǵnı myń dana temekige shamamen 16 myń teńge bolady. Bul rette eseptep kórsek, bir qorap temeki 300-350 teńgege deıin qymbattaýy múmkin», - dedi Erulan Jamaýbaev.

Budan bólek ol quramynda qanty bar sýsyndarǵa qatysty Úkimet deńgeıinde talqylaý júrip jatqanyn aıtty.

«Osy oraıda talqylaýlar qorytyndysy boıynsha tıisti málimetti jarııalap, Parlamentke kelemiz. Biz úshin tıisti teńgerimdi saqtaý kerek, ıaǵnı ult densaýlyǵy basty másele bolyp sanalady. Sonymen qatar, kásiporyndar da zardap shekpeýi kerek, bul kásippen shaǵyn jáne orta bıznes aınalysady. Sondyqtan osynyń barlyǵyn egjeı-tegjeıli pysyqtaımyz», - dedi Erulan Jamaýbaev.

Budan buryn habarlanǵandaı, temeki boıynsha kelisim ratıfıkatsııalanǵan jáne 2024 jylǵa qaraı myń dana temekige aktsız teńgelik mánde 35 evroǵa deıin artady.



Uqsas jańalyqtar
Avtor:
Tilshi

Jańalyqtar

MURAǴAT