+7 (701) 759 90 19
USD 425.02 EUR 498.17
RUB 5.85 CNY 65.85
Jańalyqtar

Qazaqstanda saılaýdy baıqaýshylardyń etıka kodeksin ázirleý usynyldy

2021 jylǵy 26 shilde 11:21
Bólisińiz:
Qazaqstanda saılaýdy baıqaýshylardyń etıka kodeksin ázirleý usynyldy

NUR-SULTAN. QazAqparat – Elimizde saılaý barysyn baıqaýshylarǵa arnalǵan etıka kodeksi ázirlenbek. Bul týraly «Saılaýdy partııalyq emes baqylaý ortalyǵy» RQB tóraǵasy Tólegen Kúnádilov málim etti, dep habarlaıdy QazAqparat tilshisi.

«Biz baıqaýshylardyń etıka kodeksin ázirleýdi usynamyz. Oǵan sebep ótken saılaý baıqaýshylardyń barlyǵy birdeı óz mıssııasyn adal atqarmaıtyndyǵyn kórsetti. Baqylaýdyń negizgi maqsaty - zańnamanyń saqtalýyn baqylaý bolǵanyna qaramastan, kóbinese baıqaýshylardyń ózderi zań talaptaryn eleýli túrde buzýǵa, sonyń ishinde beıne túsirýdi júrgizýge jáne ýchaskelerdegi basqa da durys emes minez-qulyqqa jol berdi. Bul minez-qulyqtyń kóptegen faktileri saılaý zańnamasynyń bilim deńgeıiniń jetkiliksizdigimen nemese tájirıbeniń joqtyǵymen baılanysty», - dedi T. Kúnádilov.

Sondaı-aq, ortalyq basshysy elimizde saılaýdy baıqaýshylardyń kásibı pýlyn ázirleý kerektigin aıtty.

«Saılaý kezinde onyń bedelin túsirý úshin ádeıi arandatýshylyq áreketter jasaıtyndar da bar. Sondyqtan baqylaý ınstıtýtyn kásibılendirýdiń jáne jalpy baqylaý protsesiniń barlyq qatysýshylary saqtaýy kerek biryńǵaı normalardy ázirleýdiń ýaqyty keldi. Biz baıqaýshylardyń kásibı pýlyn daıyndaý úshin júıeli jáne josparly túrde jumys isteıtin bolamyz. Osy oraıda Partııalyq emes baqylaý ortalyǵy baıqaýshylardyń etıka kodeksin qurý týraly bastamany qolǵa alyp otyr», - deıdi ol.

Buǵan deıin habarlaǵanymyzdaı, Saılaýdy partııalyq emes baqylaý ortalyǵy keshe ótken aýyl ákimderi saılaýynyń ótý barysyna baǵa berdi.


Bizdiń kanalymyzǵa jazylyńyz:

Bólisińiz:

Avtor:

Álı Ibraev

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT