USD 434.34 EUR 491.93
RUB 5.56 CNY 68.67
Jańalyqtar

Qazaqstanda ótken 2 jylda 39 mamandandyrylǵan IT-lıtseı ashyldy

2021 jylǵy 29 qarasha 12:46
Bólisińiz:
Qazaqstanda ótken 2 jylda 39 mamandandyrylǵan IT-lıtseı ashyldy

NUR-SULTAN. QazAqparat – Qazaqstanda ótken 2 jylda 39 IT-lıtseı ashyldy. Búginde bul bilim ordalarynda 55 myńǵa jýyq oqýshy bilim alyp jatyr, dep habarlaıdy QR BǴM baspasóz qyzmeti.

IT-lıtseıler jańa modıfıkatsııalyq úlgidegi kabınettermen jáne zamanaýı IT quraldarmen jabdyqtalǵan. Balalar úshin aqparattyq-kommýnıkatsııalyq tehnologııalardy tereń zertteýge baǵyttalǵan arnaıy bilim berý baǵdarlamalary ázirlendi.

Atalǵan bilim berý baǵdarlamalarymen 7-11 synyp oqýshylary qamtylǵan. Mamandandyrylǵan IT lıtseılerde oqýǵa nıet bildirgen bilim alýshylar túsý emtıhandaryn tapsyrady.

Oqýshylar baǵdarlamalaý daǵdylary, 3D dızaın, robototehnıka jáne basqa da baǵyttar boıynsha bilim alady.

Osyndaı lıtseılerdiń ashylýy, jańa bilim berý baǵdarlamalaryn engizý, sondaı-aq pedagogterdiń qoldaýynyń nátıjesinde IT-lıtseılerdegi bilim alýshylar tsıfrlyq startaptar quryp, óz jobalaryn ázirlep jatyr. Sonymen birge Qazaqstandy álemdik arenada laıyqty deńgeıde tanytyp keledi.

Mysaly, Kókshetaý qalasyndaǵy IT-lıtseıdiń oqýshysy Caspian Start-UP 2021 Halyqaralyq ǵylymı jobalar baıqaýynda jeńiske jetti. Baıqaýǵa Kaspıı mańy elderinen 90-ǵa jýyq oqýshy men kolledj stýdentteri qatysty. Jas daryn ıeleri ınnovatsııalyq tehnologııalar salasyndaǵy ózderiniń avtorlyq jobalaryn tanystyrdy.

«Elimizde osyndaı mamandandyrylǵan IT-lıtseılerdiń ashylǵanyna qýanyshtymyn. Nátıjesinde biz barlyq tsıfrlyq tehnologııany sapaly túrde zertteımiz. Máselen, men startaptar baıqaýynda ózimniń avtorlyq jobamdy tanystyrdym. Maǵan kómektesken muǵalimderim men ǵylymı jetekshime alǵysym sheksiz. Qol jetkizgen jetistikterim laıyqty baǵalanyp, bilim berý grantyn alǵanyma qýanyshtymyn», – dedi Caspian Start-UP 2021 jeńimpazy Asylhan Qoshanov.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059

MURAǴAT