Qazaqstanda ishki týrızm qalpyna keltirildi
2022 jylǵy 23 mamyr 11:33

Qazaqstanda ishki týrızm qalpyna keltirildi

NUR-SULTAN. QazAqparat – Qazaqstan Respýblıkasy Ulttyq statıstıka bıýrosy 21 000 úı sharýashylyǵyna sapar shyǵyndary boıynsha jalpyulttyq statıstıkalyq zertteý júrgizdi, dep habarlaıdy QazAqparat ranking.kz saıtyna silteme jasap.

Zertteýge sáıkes, 9 mıllıon qazaqstandyq saıahat jasaǵan. Bul 2020 jylmen salystyrǵanda 12,6%, al koronavırýsqa deıingi 2019 jylmen salystyrǵanda 4,8% artyq. Shetelge shyqqandar sany 878,8 myń adam, bul 2020 jylmen salystyrǵanda 8,3%-ǵa kóp, biraq 2019 jylǵy kórsetkishpen salystyrǵanda 3,4 ese az.

Qazaqstandyqtar el ishinde de, shetelge de kóbine jeke maqsatta jol júredi. Máselen, Qazaqstanda 8,5 mıllıon adam jeke maqsattarymen saparǵa shyqsa, onyń 4,4 mıllıony dostary men týystaryna, 2,3 mıllıony demalysqa, 753,4 myń adam dúken aralaýǵa, t.b. barǵan.

Shetelge barǵandar arasynda 741,4 myń adam jeke maqsatta saparǵa shyqsa, onyń 390,9 myńy demalýǵa, 265,5 myńy dostary men týystaryna barǵan, 38,4 myń adam emdeý-saýyqtyrý sharalary úshin jol júrdi.

527,8 myń qazaqstandyq azamat – el ishinde, 137,5 myń azamat shetelge iskerlik jáne kásiptik maqsatta barǵan.

2021 jyly Qazaqstanda úı sharýashylyqtarynyń saıahatqa jumsaǵan shyǵyny 524,9 mlrd teńgeni qurady. Bul 2020 jylmen salystyrǵanda 31,9%-ǵa kóp, biraq 2019 jylǵy koronavırýsqa deıingi kezeńmen salystyrǵanda 13,1%-ǵa az. Úı sharýashylyǵynyń syrtqy týrızm segmentindegi shyǵyny 157,6 mlrd teńgeni qurap, bir jarym esege jýyq ósken. Alaıda 2019 jylmen salystyrǵanda, bul kórsetkish eki esege jýyq az.
Uqsas jańalyqtar

Jańalyqtar

MURAǴAT