USD 434.34 EUR 491.93
RUB 5.56 CNY 68.67
Jańalyqtar

Qazaqstanda ınsýltti tez anyqtaıtyn joba iske qosyldy

2021 jylǵy 6 jeltoqsan 13:26
Bólisińiz:
Qazaqstanda ınsýltti tez anyqtaıtyn joba iske qosyldy

ALMATY. QazAqparat - Almatydaǵy №7 qalalyq klınıkalyq aýrýhanasynyń bazasynda ıshemııalyq ınsýlt dıagnostıkasynyń pılottyq jobasy qolǵa alyndy, dep habarlaıdy QazAqparat tilshisi.

Uqsas jańalyqtar
Qazaqstanda qansha jasóspirim men júkti áıelder Pfizer vaktsınasyn saldyrdy Ótken táýlikte qansha qazaqstandyq vaktsına saldyrdy Qazaqstandaǵy koronavırýs: qaı óńirler «qyzyl» aımaqta

Qazaqstanda alǵash ret pılottyq joba, mıdyń qan aǵymyn eń kishkentaı tamyrlar (kapıllıarlar) deńgeıinde baǵalaýǵa múmkindik beretin sáýlelik (kompıýterlik) dıagnostıkanyń zamanaýı ádisi - bas mıynyń KT perfýzııasy zertteýi engizilip jatyr.

Atalǵan zertteý mı qan aınalymynyń jiti buzylýlary, sozylmaly ıshemııasy bar patsıentterge júrgiziledi.

KT perfýzııalyq zertteý ádisin qoldana otyryp, ınsýlttiń bastapqy kezeńderinde senimdi dıagnoz qoıýǵa bolady.

Dárigerlerdiń aıtýynsha, KT perfýzııalyq zertteýdiń sezimtaldyǵy óte joǵary. Aýrýdyń belgileri bastalǵannan keıingi alǵashqy 24 saǵat ishinde mıdyń zardap shekken aýmaǵynda qan aǵymynyń tómendeýi aıqyn anyqtalady.

«Perfýzııalyq KT-nyń mı tamyrlaryndaǵy qan aǵymynyń jyldamdyǵyn, kólemdik jáne ýaqytsha kórsetkishterin ólsheý jáne esepteý múmkindigi adekvatty terapııany tańdaýda jáne naýqastyń emdeý protsesiniń dınamıkasyn baqylaýda mańyzdy ról atqarady. KT perfýzııasy bizdiń neırohırýrgterge hırýrgııalyq emdeý ádisin josparlaýǵa kómektese alady, kórsetkishter men qarsy kórsetkishterdiń krıterııi, sondaı-aq operatsııadan keıingi asqynýlardyń boljaýshysy bola alady», - dep túsindirdi Almaty qalasy №7 Qalalyq klınıkalyq aýrýhananyń №4 neıroonkologııa bólimshesiniń meńgerýshisi, Neırohırýrgııa ortalyǵynyń jetekshisi, professor Ermek Dúısembekov .

Dárigerdiń sózinshe,klınıkalyq tájirıbede KT perfýzııa klınıkalyq sımptomdar paıda bolǵannan keıingi alǵashqy saǵattarda patsıentte ıshemııalyq ınsýltti dıagnostıkalaýǵa ǵana emes, sonymen qatar mı zaty men ómirsheń tinderdiń qaıtymsyz ózgeristeriniń araqatynasyn anyqtaýǵa múmkindik beredi.

Qazirgi ýaqytta, medıtsınasy damyǵan shet elderde perfýzııalyq KT tserebraldy qan aǵymyn ólsheýdiń keńinen qoldanylatyn ádisteriniń biri retinde klınıkalyq tájirıbede keńinen qoldanylady.

№7 Qalalyq klınıkalyq aýrýhana bazasynda jýyrda Reseı Federatsııasy men Qazaqstannyń 10-nan astam óńirinen kelgen radıologtar men sáýlelik dıagnostıka zerthanashylary úshin sheberlik saǵaty ótti.

Almaty qalasynyń №7 Qalalyq klınıkalyq aýrýhanasynyń sáýlelik dıagnostıka bólimshesiniń meńgerýshisi Galına Battalova atap ótkendeı, KT perfýzııa – óte qymbat zertteý, ol ınsýltpen aýyratyn naýqastarǵa kórsetilimder boıynsha tegin negizde júrgiziledi.

«Bolashaqta – barlyq zamanaýı talaptarǵa jaýap beretin standarttalǵan jáne ońtaılandyrylǵan skanerleý hattamalary jasalady, olardy dárigerler statsıonarlarda qoldanady jáne klınıkalyq tájirıbege engiziledi degen oıdamyz. KT perfýzııasy tserebraldy qan aǵymyn baǵalaýdyń basqa ádisterine qaraǵanda birqatar daýsyz artyqshylyqtarǵa ıe. Eń negizgileri - ınsýlt dıagnostıkasynyń keń qoljetimdiligi, jyldamdyǵy men dáldigi, áisrese, aýrýdyń bastapqy kezeńderinde», - dedi Galına Battalova.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059

MURAǴAT