+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Qazaqstanda Halyqaralyq bitimgerler kúni atalyp ótýde

2021 jylǵy 29 mamyr 21:34
Bólisińiz:
Qazaqstanda Halyqaralyq bitimgerler kúni atalyp ótýde

NUR-SULTAN. QazAqparat - BUU-nyń Bas Assambleıasy bekitken Halyqaralyq bitimgerler kúni 2002 jyldan bastap 29 mamyrda atalyp ótip keledi, dep habarlaıdy QazAqparat QR Qorǵanys mınıstrliginiń baspasóz qyzmetine silteme jasap.

Uqsas jańalyqtar

Elimizde bul mereke alǵash ret 2019 jyldan bastaldy. Táýelsizdiktiń alǵashqy jyldarynan bastap Qazaqstan beıbitshilik, halyqaralyq qaýipsizdik pen turaqtylyq qaǵıdalaryna óziniń beıildiligin kórsetýde. Bitimgershilik úrdiske qatysý – bul memlekettiń ondaǵan jyldarǵa arnalǵan syrtqy saıası strategııasynyń máni.

Qazaqstanda bitimgerlik qyzmettiń tarıhy 2000 jyly bastaldy. El Prezıdentiniń Jarlyǵymen qazaqstandyq bitimgerlik batalony quryldy. Al 2003 jyly qarqyndy daıyndyqtan keıin, «Qazbat» áskerı qyzmetshileri AQSh pen NATO qoldaýymen Iraktaǵy bitimgershilik operatsııasyna («Irakqa bostandyq» operatsııasyna) kiristi.

2003-2008 jyldar aralyǵynda mıssııaǵa barlyǵy 270-ten astam áskerı qyzmetshi qatysty. Qazaqstannyń bitimgerleri mınany zalalsyzdandyrý, sýdy tazartý tapsyrmalaryn oryndady. Bes jyl ishinde jeke quram alty aıdan on ret rotatsııalandy.

Qazaqstandyq mamandar Irakta 4,5 mıllıonnan astam túrli oq dárilerdi – mınalardy, zymyrandar men snarıadtardy joıyp, 6718 tekshe metr sý tazartty. Qazaqstandyq áskerı dárigerler amerıkandyq «Delta» bazasy medıtsınalyq tobynyń quramynda jumys atqardy. Olar negizinen terrorlyq shabýyldardan zardap shekken jergilikti turǵyndarǵa medıtsınalyq kómek kórsetti.

2015 jyly «Qazaqstan Respýblıkasynyń bitimgerlik qyzmeti týraly» Zańy qabyldandy. Bul zań elimizdiń Qarýly Kúshteri ulttyq kontıngentiniń bitimgerlik operatsııalarǵa qatysýyn retteýdegi memlekettiń mindetteri men quzyretterin aıqyndaıdy.

2018 jyly Qazaqstan men Úndistan arasyndaǵy qol qoıylǵan memorandýmǵa sáıkes Qazaqstandyq bitimgerler rotasy alǵash ret BUU-nyń Lıvandaǵy mıssııasyna qatysty. Qazaqstandyq bitimgerler Izraılmen shekarada jergilikti jerdi patrýldeý, baqylaý beketterin uıymdastyrý, oq atpaýdy baqylaý mindetterin atqardy.

Búginde Lıvanda besinshi rotatsııanyń bitimgerlik kontıngenti qyzmet atqarýda. Budan ózge, Batys Saharada bes áskerı qyzmetshi baqylaýshy qyzmetinde.

Qazaqstannyń bitimgerlik qyzmeti halyqaralyq qoǵamdastyqqa qarýly qaqtyǵystardyń aldyn alýǵa jáne olardy toqtatýǵa járdemdesýge arnalǵan.

Bitimgerler jumysynyń negizgi qaǵıdalary – zańdylyqty, halyqaralyq quqyq normalaryn, tepe-teńdik pen tynyshtyqty saqtaý, jergilikti halyqtyń salt-dástúrin qurmetteý.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059

MURAǴAT