Qazaqstanda apta ishinde bolǵan taǵaıyndaýlar
2022 jylǵy 22 mamyr 11:25

Qazaqstanda apta ishinde bolǵan taǵaıyndaýlar

NUR-SULTAN. QazAqparat – Ótken aptada elimizde birqatar kadrlyq aýys-túıis oryn aldy. Qaýipsizdik keńesi hatshylyǵynda, QR Іshki ister mınıstrligi qurylymynda jáne óńirlerdi taǵaıyndaýlar boldy, dep habarlaıdy QazAqparat tilshisi.

***

Memleket basshysynyń ókimimen Murat Qalıbekuly Baımuqashev Qazaqstan Respýblıkasy Qaýipsizdik keńesi hatshysynyń birinshi orynbasary bolyp taǵaıyndaldy.

M. Baımuqashev 1994 jyldan bastap Іshki ister organdarynda qyzmet etedi. Eńbek jolyn jol polıtsııasy patrýldik qyzmeti batalonynyń ınspektory laýazymynan bastady. 1997 jyldan QR ІІM jol polıtsııasy basqarmasynda jumys istedi, sonymen qatar mınıstrliktiń ortalyq apparatynyń departamentteri men bólimderin basqardy.

2021 jyldyń shildesinen Qazaqstan Respýblıkasy Іshki ister mınıstriniń orynbasary qyzmetin atqardy.

***

Memleket basshysynyń ókimimen Ańsaǵan Skenderuly Baltabekov Qazaqstan Respýblıkasy Memlekettik kúzet qyzmeti bastyǵynyń orynbasary laýazymyna taǵaıyndaldy.

***

Osy aptada QR Іshki ister mınıstri birqatar basshyny taǵaıyndady.

Іshki ister mınıstriniń buıryǵymen:

– Túrkistan oblysy Polıtsııa departamenti bastyǵynyń orynbasary laýazymyna Sapar Baýyrjan;

– Kóliktegi polıtsııa departamenti bastyǵynyń orynbasary laýazymyna Erlan Jalmaǵambet;

– Nur-Sultan qalasy Polıtsııa departamenti «Esil» aýdandyq polıtsııa basqarmasynyń bastyǵy laýazymyna Álibek Qojahmetov;

– Nur-Sultan qalasy Polıtsııa departamenti «Baıqońyr» aýdandyq polıtsııa basqarmasynyń bastyǵy laýazymyna Marat Abırov taǵaıyndaldy.

***

QR Prezıdenti Ákimshiliginiń jáne aýdandyq máslıxatynyń kelisimimen, Jambyl oblysy ákiminiń ókimimen Merki aýdanynyń ákimi bolyp Jorabek Baýbekov taǵaıyndaldy.

J. Nurmergenuly 1971 jyly Jambyl oblysy Merki aýdanynda týǵan. 1989 jyly Semeı qarjy-ekonomıkalyq tehnıkýmyn «memlekettik bıýdjet», Qazaq memlekettik basqarý akademııasyn «qarjy jáne nesıe» mamandyqtary boıynsha bitirgen. Eńbek jolyn 1989 jyly Merki aýdandyq qarjy bóliminde aǵa ekonomıst bolyp bastaǵan.

2019-2020 jyldary «Azamattarǵa arnalǵan úkimet» Memlekettik korporatsııasy» kommertsııalyq emes aktsıonerlik qoǵamynyń Jambyl oblysy boıynsha fılıaly basqarmasynyń basshysy, dırektor orynbasary bolyp eńbek etken.

2020 jylǵy mamyrdan bastap qazirge deıin Jambyl oblysy ákimdiginiń jumyspen qamtýdy úılestirý jáne áleýmettik baǵdarlamalar basqarmasynyń basshysy laýazymynda qyzmet atqaryp keldi.

***

Túrkistan oblysynyń energetıka jáne turǵyn úı-kommýnaldyq sharýashylyq basqarmasynyń basshysy bolyp Sáken Shalabaıuly Dalıev taǵaıyndaldy.

Sáken Shalabaıuly 1980 jyly 11 maýsymda Jambyl oblysy, Merki aýdanynda dúnıege kelgen. 1997 jáne 2014 jyldar aralyǵynda QR Іshki ister jáne qarjy polıtsııasynda, Ekonomıkalyq qylmysqa qarsy kúres organdarynda túrli laýazymda qyzmetter atqarǵan.

2019-2020 jyldary Almaty qalasynyń Energotıimdilik jáne ınfraqurylymdyq damý basqarmasynyń «Almaty Sý» MKK ishki baqylaý jáne qaýipsizdikti qamtamasyz etý departamentiniń dırektory, 2021 jyly «Bolat Nurjanov atyndaǵy Ekibastuz GRES-1» JShS dırektory qyzmetin atqarǵan.

***

Jasyn Birkenov «Atyraý-Aqparat» medıaseriktestigine basshy bolyp taǵaıyndaldy.

Jasyn Birkenov – Soltústik Qazaqstan oblysynyń týmasy. 1989 jyly 30 sáýirde dúnıege kelgen. Eńbek jolyn 2006 jyly bastaǵan. Ár jyldary MTRK (Petropavl), «Qazaqstan-Petropavl», sondaı-aq, «Qazaqstan» jáne «7 kanal» telearnalarynda jumys istegen. Al, 2015 jyldan jumysyn «24.kz» telearnasynda jalǵastyrǵan. 2015-2016 jyldary - «Habar 24» telearnasynyń Ýkraına Respýblıkasyndaǵy, 2019-2021 jyldary - Ózbekstan Respýblıkasyndaǵy menshikti tilshisi qyzmetin atqarǵan.

***

Bul aptada QazMunaıGaz ulttyq kompanııasynda birqatar aýys-túıis boldy.

«QazMunaıGaz» UK AQ basqarma tóraǵasynyń munaı óńdeý jáne munaı hımııasy jónindegi orynbasary qyzmetine Arman Qurmetuly Qaıyrdenov keldi. Ol munaı óńdeý, munaı óńdeý zaýyttarynyń jumysy jáne munaı hımııasyn damytý máselelerine jetekshilik etedi.

A.Qaıyrdenov Qazaq hımııa-tehnologııa ınstıtýtyn «Kómirtek materıaldarynyń hımııalyq tehnologııasy» mamandaǵy boıynsha bitirdi. 2003 jyly Reseı Federatsııasynyń Úkimeti janyndaǵy Aýyl sharýashylyǵy akademııasyn «Munaı jáne gaz bıznesi» mamandyǵy boıynsha támamdady.

2019-2021 jyldary «QazMunaıGaz» UK AQ Tehnıkalyq damý departamentiniń dırektory, munaı óńdeý jónindegi basqarýshy dırektory, Munaı óńdeý jáne munaı hımııasy departamentiniń dırektory laýazymdaryn atqardy.

«QazMunaıGaz» UK AQ basqarma tóraǵasynyń munaı tasymaldaý, halyqaralyq jobalar jáne «Saryarqa» gaz qubyrynyń qurylysy jónindegi orynbasary bolyp Bolat Qalaýııauly Zákirov taǵaıyndaldy.

B. Zákirov Qazaq memlekettik basqarý akademııasyn «Halyqaralyq valıýta-qarjy qatynastary» mamandyǵy boıynsha jáne Dandı ýnıversıtetin (Shotlandııa) «Munaı jáne gaz ekonomıkasy» mamandyǵy boıynsha bitirdi.

2018 jyldan beri «QazMunaıGaz» UK AQ munaı tasymaldaý departamentiniń dırektory, munaı tasymaldaý basqarmasynyń basshysy bolyp qyzmet etip keldi.

Sonymen qatar, «QazMunaıGaz» UK AQ basqarma tóraǵasynyń orynbasary bolyp Vasılıı Sergeevıch Lavrenov taǵaıyndaldy. Onyń mindeti – kompanııa qyzmetiniń zań máselelerine jetekshilik etý.

V.Lavrenov 2000 jyly Qazaq memlekettik zań akademııasyn, 2004 jyly Dıýk ýnıversıtetiniń quqyq mektebin (Japonııa) bitirdi. Eńbek jolyn 1999 jyly «Tıtýl» zań agenttigi» JShS-de zańgerdiń kómekshisi bolyp bastady. Odan keıin «Grata» zań fırmasy» JShS zańgeri bolyp jumys istedi.

2019-2022 jyldary – Býdapesht qalasyndaǵy Greenline Services Ltd kompanııasynyń aǵa seriktesi, konsýltanty.

Munymen qosa, osy aptada «QazMunaıGaz-Aero» JShS bas dırektory qyzmetine Ildar Tagırovıch Shamsýtdınov kiristi.

I.Shamsýtdınov 2000 jyly Qazaq memlekettik basqarý akademııasyn «Qarjy jáne kredıt» mamandyǵy boıynsha, 2004 jyly Q. Sátbaev atyndaǵy Qazaq ulttyq tehnıkalyq ýnıversıtetin «Munaı jáne gaz ken oryndaryn ıgerý» mamandyǵy boıynsha támamdaǵan.

2017 jyldan bastap Exmor Group DMCC/ Enco Trading DMCC/ Supreme Petroleum Pte Ltd kompanııalar tobynda (Dýbaı jáne Máskeý) logıstıka menedjeri, munaı ónimderin satý menedjeri jáne treıdıng pen bıznesti damytý jetekshisi bolyp qyzmet etti.


Uqsas jańalyqtar
Avtor:
Tilshi

Jańalyqtar

MURAǴAT