+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Qazaqstanda apta ishinde bolǵan kadrlyq taǵaıyndaýlar

2021 jylǵy 19 qyrkúıek 10:41
Bólisińiz:
Qazaqstanda apta ishinde bolǵan kadrlyq taǵaıyndaýlar

NUR-SULTAN. QazAqparat – Osy aptada birqatar mınıstrlikte jáne óńir ákimdikterinde kadrlyq aýys-túıis boldy. QazAqparat oqyrman nazaryna apta ishindegi jańa taǵaıyndaýlarǵa sholý usynady.

Uqsas jańalyqtar
SQO-da Ǵ.Músirepov atyndaǵy aýdanǵa jańa ákimi taǵaıyndaldy Aqmola oblysynyń Jaqsy aýdanyna jańa ákim keldi Aqmola oblysynyń Shortandy aýdanyna jańa ákim taǵaıyndaldy

QR Úkimet basshysynyń Ókimimen Erlan Qojaǵapanov Premer-Mınıstrdiń keńesshisi laýazymyna taǵaıyndaldy.

Eske sala ketsek, Erlan Qojaǵapanov Mádenıet jáne sport vıtse-mınıstri qyzmetinen bosatylǵan edi.

E. Qojaǵapanov 1968 jyly Almaty oblysynda dúnıege kelgen. 1992 jyly E. Bóketov atyndaǵy Qaraǵandy memlekettik ýnıversıtetin, 1999 jyly Abaı atyndaǵy Almaty memlekettik ýnıversıtetin támamdaǵan. 2006 jyly Reseı Keden akademııasyn bitirgen. Mamandyǵy boıynsha biliktiligi — zańger, ekonomıst, qarjyger, keden isiniń mamany. Eńbek jolyn 1989 jyly bastaǵan.

Sonymen qatar osy aptada Erlan Toqtarhanuly «Astana» fýtbol klýby dırektorlar keńesiniń tóraǵasy laýazymyna taǵaıyndaldy.

***

QR Úkimetiniń qaýlysymen Sholpan Karınova Qazaqstan Respýblıkasynyń Bilim jáne ǵylym birinshi vıtse-mınıstri qyzmetine taǵaıyndaldy.

Sholpan Tańatqyzy 1972 jyly 1 qańtarda Kókshetaý oblysynda týǵan. 1994 jyly Sh. Ýálıhanov atyndaǵy Kókshetaý pedagogıkalyq ınstıtýtyn «qazaq mektebindegi orys tili men ádebıeti pániniń muǵalimi» mamandyǵy boıynsha, 2016 jyly — «pedagogıkalyq bilim» baǵyty boıynsha Omby memlekettik pedagogıkalyq ýnıversıtetinde magıstratýrany támamdaǵan. Eńbek jolyn 1994 jyly aýyl mektebiniń muǵalimi bolyp bastaǵan, kolledj oqytýshysy, mektep dırektory qyzmetterin atqarǵan.

2019 jyldyń tamyzynan bastap QR Bilim jáne ǵylym vıtse-mınıstri laýazymynda jumys istedi.

***

Ardaq Zebeshev QR Syrtqy ister mınıstrligi Investıtsııa komıtetiniń tóraǵasy bolyp taǵaıyndaldy.

Ardaq Temirhanuly 1981 jyly Ońtústik Qazaqstan oblysynda dúnıege kelgen. 2003 jyly M.Áýezovtiń atyndaǵy Ońtústik Qazaqstan memlekettik ýnıversıtetin «halyqaralyq qatynastar» mamandyǵy boıynsha bitirgen, al 2006 jyly Qaztutynýodaǵy Qaraǵandy ekonomıkalyq ýnıversıtetin «ekonomıka» mamandyǵy boıynsha támamdaǵan.

2014 jyly «Bolashaq» halyqaralyq baǵdarlamasy boıynsha King's College London «memlekettik basqarý» mamandyǵy boıynsha magıstr dárejesin, sondaı-aq Ulybrıtanııadaǵy Warwick Business School «bıznes-ákimshilendirý» boıynsha magıstr dárejesin aldy.

Eńbek jolyn 2003 jyly Shymkent qalasy ákiminiń Eńbek jáne halyqty áleýmettik qorǵaý basqarmasy uıymdastyrý-kadrlyq jáne taldaý jumysy basqarmasynyń bas mamany laýazymynan bastaǵan.

2020 jylǵy naýryzdan bastap qazirgi ýaqytqa deıin QR SІM Investıtsııa komıteti tóraǵasynyń orynbasary boldy.

***

Osy aptada Іlııas Ospanov QR Indýstrııa jáne ınfraqurylymdyq damý mınıstrliginiń Indýstrııalyq damý komıtetiniń tóraǵasy qyzmetine taǵaıyndaldy.

Іlııas Esetuly Ospanov 1986 jyly Nur-Sultan qalasynda dúnıege kelgen. L.N. Gýmılev atyndaǵy Eýrazııa ulttyq ýnıversıtetin jáne London Imperııalyq kolledjin (Ulybrıtanııa) bitirgen.

Eńbek jolyn 2008 jyly «Astana sý arnasy» MQK ınjeneri bolyp bastady.

2012-2014 jyldar aralyǵynda QR Indýstrııa jáne jańa tehnologııalar mınıstrliginiń qurylymynda túrli laýazymdarda jumys istedi. 2014-2016 jj. QR Investıtsııalar jáne damý mınıstrliginde basshylyq qyzmetterdi atqardy.

2021 jylǵy sáýirden bastap qazirgi ýaqytqa deıin «QazInnovations» ulttyq ınnovatsııalardy damytý agenttigi» AQ basqarma tóraǵasy qyzmetin atqardy.

***

Shyǵys Qazaqstan oblystyq qurylys, sáýlet jáne qala qurylysy basqarmasynyń basshysy laýazymyna Dıdar Keńesbaev taǵaıyndaldy.

Dıdar Muhtarbekuly 1984 jyly Ulan aýdany Bozanbaı aýylynda dúnıege kelgen.

2001-2006 jyldary D.Serikbaev atyndaǵy ShQTÝ-da ınjener mamandyǵy boıynsha bilim aldy.

2006 jyldan bastap qurylys salasynda túrli qyzmet atqardy.

2015 jyly memlekettik qyzmetke kirgen. ShQO memlekettik sáýlet-qurylysty baqylaý basqarmasynda bas maman, bólim basshysy boldy.

***

Soltústik Qazaqstan oblysynyń eki basqarmasyna jańa basshylar taǵaıyndaldy.

SQO jer ınspektsııasyn aendi Baqytjan Bekish jetekshilik etpek. Baqytjan Serikuly 1984 jyly týǵan, bilimi joǵary, 2005 jyly M. Qozybaev atyndaǵy Soltústik Qazaqstan memlekettik ýnıversıtetin «ıýrısprýdentsııa bakalavry» mamandyǵy boıynsha támamdaǵan.

Eńbek jolyn 2007 jyly SQO Ǵabıt Músirepov atyndaǵy aýdany Novoıshımskoe aýylynyń «Qurylys bólimi» memlekettik mekemesiniń jetekshi mamany bolyp bastap, sol aýdanda birqatar laýazymdy qyzmetterdi atqardy.

2016-2021 jyldary «Soltústik Qazaqstan oblysy ákimdiginiń jer ınspektsııasy basqarmasy» KMM basshysynyń orynbasary-memlekettik ınspektory bolyp eńbek etti.

SQO ekonomıka basqarmasyna Qýanyshbek Qalıjanov taǵaıyndaldy. Qýanyshbek Serikuly 1981 jyly SQO Aqjar aýdany Talshyq aýylynda dúnıege kelgen.

2001 jyly Kókshetaý esep-saýda kolledjin jáne 2012 jyly «Kókshe» akademııasyn «Qarjy» mamandyǵy boıynsha bitirgen.

Eńbek jolyn 2004 jyly SQO statıstıka basqarmasynyń Aqjar aýdany Talshyq aýyldyq okrýginiń mamany bolyp bastady.

2015 jyldan 2021 jylǵa deıin SQO statıstıka departamenti basshysynyń orynbasary boldy.

***

«Atameken» ulttyq kásipkerler palatasy basqarmasynyń sheshimimen Óńirlik keńestiń kelisimi boıynsha Almaty oblysy boıynsha kásipkerler palatasynyń dırektory qyzmetine Lázzat Shyńǵysbaeva taǵaıyndaldy.

Lázzat Shyńǵysbaeva 1977 jyly Almaty oblysynda dúnıege kelgen. Qazaqstan-Reseı ýnıversıtetin bitirgen.

2000 jyldan 2007 jylǵa deıin túrli bıznes-qurylymdarda jumys istedi. 2007-2013 jyldary «Jetisý» ÁKK» UK» AQ quqyqtyq qamtamasyz etý jáne satyp alýdy uıymdastyrý departamentiniń dırektory, zań departamentiniń dırektory, jobalardy basqarý departamentiniń dırektory, «G4» JShS «Almaty qalasynyń seriktes qalalary» jobasynyń bas menedjeri boldy.

***

«31-arnanyń» bas dırektory laýazymyna Qurmanbek Jumaǵalı taǵaıyndaldy.

Buǵan deıin J. Qurmanbek «Astana» telearnasynyń bas dırektory bolyp istegen.

Jumaǵalı Qurmanbek 1985 jyly 27 tamyzda dúnıege keldi.

2008 jyly Abaı atyndaǵy Qazaq ulttyq pedagogıkalyq ýnıversıtetin «Jýrnalıstıka» mamandyǵy boıynsha bitirdi.

Q. Jumaǵalı kásibı mansabyn «Qazaqstan RTRK» AQ telearnasynda redaktor retinde bastady, «Habar agenttigi» AQ-da redaktor-júrgizýshi, korrespondent boldy.

***

Osy aptanyń basynda «Nur Otan» partııasynyń hatshysy Álibek Áldeneı ASTANA telearnasynyń ujymyna jańa bas dırektordy tanystyrdy.

Jańa basshy - buryn «NUR Media» holdıngi bas dırektorynyń orynbasary qyzmetin atqarǵan Ázızhan Ábildınov.

Ol 2017 jyldan bastap «Nur Media» holdınginde BAQ máselelerimen aınalysqan.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT