+7 (701) 759 90 19
USD 435.76 EUR 493.41
RUB 5.89 CNY 68.37
Jańalyqtar

Qazaqstan men Túrikmenstan Prezıdentteri BAQ ókilderine brıfıng ótkizdi

2021 jylǵy 25 qazan 18:25
Bólisińiz:
Qazaqstan men Túrikmenstan Prezıdentteri BAQ ókilderine brıfıng ótkizdi

AShHABAD. QazAqparat - Qazaqstan men Túrikmenstan delegatsııalary ótkizgen kelissózder qorytyndysy boıynsha memleketter basshylary Qasym-Jomart Toqaev pen Gýrbangýly Berdimuhamedov buqaralyq aqparat quraldary ókilderi úshin brıfıng ótkizdi. QazAqparat bul týraly Aqordaǵa silteme jasap habarlaıdy.

Uqsas jańalyqtar

Qazaqstan Prezıdenti álemde qalyptasqan kúrdeli jaǵdaıǵa qaramastan, Qazaqstan men Túrikmenstannyń strategııalyq seriktestigi dostyq, tatý kórshilik jáne ózara qoldaý rýhynda turaqty damyp kele jatqanyn atap ótti.

Memleket basshysy eki taraptyń qol jetkizgen ýaǵdalastyqtary týraly aıta kele, shekarany quqyqtyq turǵydan shegendeýge baǵyttalǵan kelisimderdiń mańyzyna toqtaldy.

– Búgin biz birqatar mańyzdy qujat qabyldadyq. Olardyń ishinde Kaspıı teńizindegi Qazaqstan-Túrikmenstan memlekettik shekarasyn mejeleý jáne balyq aýlaý aımaqtarynyń shektes ýchaskelerin bólý týraly shart, sondaı-aq shekara tártibi týraly úkimetaralyq kelisim erekshe oryn alady. Osylaısha, biz elderimiz arasyndaǵy qurlyqtaǵy jáne teńizdegi shekaralardy zańdy túrde rásimdeýdi aıaqtadyq. Munyń saıası máni bar, – dedi Qasym-Jomart Toqaev.

Kelissózder barysynda saýda-ekonomıkalyq yntymaqtastyqtyń perspektıvalaryna basa mán berildi.

– Taýar aınalymyn odan ári arttyrý úshin mol áleýetimiz bar. Energetıka, kólik, logıstıka, aýyl sharýashylyǵy, kásiporyn jáne basqa da salalarda aıtarlyqtaı rezervimiz bar. Sondyqtan biz ózara saýda kólemin edáýir arttyrýǵa baǵyttalǵan sharalar toptamasyn qabyldaýǵa kelistik. Úkimetterge taýarlardyń nomenklatýrasyn keńeıtý úshin eki eldiń eksporttyq áleýetin jumyldyrý tapsyryldy, – dedi Memleket basshysy.

Prezıdent elimizdiń metallýrgııa, mashına jasaý, munaı-hımııa, azyq-túlik jáne farmatsevtıkalyq ónerkásip, sondaı-aq aýyl sharýashylyǵy ónimderin, onyń ishinde, eń aldymen, un men bıdaı tasymaldaý kólemin ulǵaıtýǵa ázir ekenin aıtty.

Memleket basshysy barynsha tıimdi ekonomıkalyq kooperatsııany jandandyrý úshin úkimetterge Investıtsııa tartý isin kótermeleý jáne qorǵaý jónindegi kelisimge qol qoıýdy jedeldetý tapsyrylǵanyn aıtty. Onyń aıtýynsha, gaz salasyndaǵy ózara tıimdi yntymaqtastyq jańa perspektıvalarǵa jol ashady. Atap aıtqanda, Qazaqstan túrikmen gazynyń ımportyn edáýir ulǵaıtýǵa daıyn.

Qasym-Jomart Toqaev aımaqtyq yntymaqtastyq máselelerin talqylaý barysynda birqatar mańyzdy bastama kóterdi.

– Saýda-ekonomıkalyq áleýetimizdi jan-jaqty júzege asyrý maqsatynda Qazaqstan jyl saıyn óńiraralyq forýmdar ótkizýdi usyndy. Mundaı format óziniń tıimdiligin dáleldedi. Osyndaı jumystyń nátıjesinde Mańǵystaý oblysy men Balqan ýálaıatynyń shekarasynda avtokólik júgi termınalynyń shekaraaralyq saýdasynyń arnaýly aımaǵyn qurýǵa bolar edi, – dedi Prezıdent.

Kezdesýge qatysýshylar kólik-tranzıt salasyndaǵy ózara yqpaldastyqtyń perspektıvasyn talqylady.

– Bul baǵyttaǵy negizgi mindet – «Qazaqstan – Túrikmenstan – Iran» magıstralin tolyq iske qosý. Tasymaldanatyn júk kólemin arttyrý úshin elderimizdegi tarıftik saıasatty ońtaılandyrýdyń jáne júk tasymalyna qoıylatyn talaptardy jaqsartýdyń mańyzdy ekeni atap ótildi. Kaspııdegi Aqtaý, Quryq jáne Túrikmenbashy aılaqtarynyń arasyndaǵy logıstıkalyq yqpaldastyq boıynsha zor múmkindik bar, – dedi Memleket basshysy.

Qasym-Jomart Toqaev Qazaqstan baǵyty boıynsha jańa avtojoldy iske qosý úshin Qarabuǵaz shyǵanaǵy arqyly ótetin kópir qurylysyna qatysty túrikmen basshysynyń bastamasyn qoldap, perspektıvasy bar bul jobany birlesip júzege asyrý múmkindigin qarastyrýǵa ázir ekenin aıtty.

Prezıdenttiń aıtýynsha, mádenı-gýmanıtarlyq baılanystardy odan ári nyǵaıtý – elderimiz arasyndaǵy berik ári uzaq merzimdi qatynastardyń kepili. Bul rette, Memleket basshysy eki eldiń ózara mádenı kúnderin ótkizý jáne jastar arasyndaǵy baılanystardy keńeıtý mańyzdy dep sanaıdy.

Kelissózder baǵdarlamasyna óńirlik jáne jahandyq kún tártibiniń máseleleri de engizildi.

– Aýǵanstandaǵy jaǵdaıdy egjeı-tegjeıli talqylap, taǵdyr taýqymetin kóp tartqan osy eldegi turaqtylyq pen qaýipsizdikti nyǵaıtý maqsatynda ózara tyǵyz yqpaldastyqty jalǵastyrý qajet ekenin aıttyq, – dedi Qasym-Jomart Toqaev.

Memleket basshysy halyqaralyq aýqymdaǵy taqyryptardyń basym bóligi boıynsha eki taraptyń ustanymdary jaqyn ekenin atap ótti.

Qazaqstan Prezıdenti sóziniń sońynda kelissózderdiń qorytyndylary halyqtarymyz arasyndaǵy dostyq pen tatý kórshilik qatynastardy nyǵaıta túsetinine, qazaq-túrikmen seriktestigin jańa strategııalyq bıikke kóterý úshin jol ashatynyna senim bildirdi.

Qasym-Jomart Toqaev Túrikmenstan Prezıdentin keler jyly Qazaqstanǵa memlekettik saparmen kelýge shaqyrǵanyn aıtty.

Brıfıngten keıin Qazaqstan Prezıdentin «Bıtaraplyk» ordenimen saltanatty túrde marapattaý rásimi ótti. Memleket basshysyna Joǵary nagradany Túrikmenstan Prezıdenti Gýrbangýly Berdimuhamedov tabystady.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT