«Qazaqstan halqyna» qorynyń Qamqorshylyq keńesi aqsha aýdarýǵa májbúrleýge qarsy
2022 jylǵy 21 qańtar 10:47

«Qazaqstan halqyna» qorynyń Qamqorshylyq keńesi aqsha aýdarýǵa májbúrleýge qarsy

NUR-SULTAN. QazAqparat - 20 qańtarda «Qazaqstan halqyna» qorynyń Qamqorshylyq keńesiniń alǵashqy uıymdastyrý otyrysy ótti. Otyrysta qaıyrymdylyq qory qyzmetiniń tujyrymdamalyq máseleleri talqylandy. dep habarlaıdy «Qazaqstan halqyna» qoǵamdyq qorynyń baspasóz qyzmetine silteme jasap.

Qamqorshylyq keńes músheleri Qordyń halyqpen ózara is- qımyl tetikterine, Qazaqstandyqtardyń Qorǵa qalaı júginetinine, ótinimder qaldyrýyna basty nazar aýdardy.

Qor sondaı-aq qaıyrymdylyq uıymdarymen, memlekettik organdarmen jáne qaıyrymdylyq kómek kórsetýge tartylǵan basqa da uıymdarmen yntymaqtastyq formatyn aıqyndaýy tıis.

Ózara is-qımyldyń negizgi quraly Qordyń elektrondyq portaly bolǵany durys. Ońtaıly sheshim qabyldaý úshin «Qazaqstan halqyna» qory qyzmetiniń tujyrymdamasyn ázirleıtin jumys toby quryldy.

Sonymen qatar, Qamqorshylyq keńesiniń músheleri qyzmetkerlerdi, eń aldymen memlekettik qyzmetkerlerdi, bıýdjettik sala qyzmetkerlerin bir kúndik jalaqyny aýdarýǵa májbúrleý jaǵdaılary týraly óz pikirlerin bildirdi.

Qamqorshylyq keńesiniń músheleri osy tájirıbemen úzildi-kesildi kelispeıtindikterin aıtty.

«Biz barlyq qazaqstandyqtarǵa úndeý jasaımyz jáne «Qazaqstan halqyna» qory tek jeke jáne zańdy tulǵalardyń erikti qaıyrmaldyqtarynan qalyptastyrylatynyna taǵy da nazarlaryńyzdy aýdaramyz. Sonymen qatar, biz Qorǵa óz úlesterin qosqan qazaqstandyqtar men uıymdarǵa alǵys aıtamyz jáne óz tarapymyzdan kómektiń muqtaj adamdarǵa jetetinine

kepildik beremiz», - dep atap ótti Qamqorshylyq keńesiniń músheleri.

Esterińizge sala keteıik, 2022 jylǵy 16-19 qańtar aralyǵynda (qosa alǵanda) Qoǵamdyq qorǵa 16 167 qazaqstandyqtan 29.3 mln teńge tústi. 75 zańdy tulǵa men iri kásipkerlerden 19.2 mlrd teńge tústi.


Jańalyqtar

MURAǴAT