+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Qazaqstan Araldyń tabanyna sekseýil egý isinde Ózbekstan tájirıbesine súıenbekshi

2021 jylǵy 15 maýsym 14:05
Bólisińiz:
Qazaqstan Araldyń tabanyna sekseýil egý isinde Ózbekstan tájirıbesine súıenbekshi

NUR-SULTAN. QazAqparat –Araldyń Ózbekstanǵa qarasty qańsyǵan aýmaǵynda 1,2 mln gektar alqapqa sekseýil egilip, jersindirilgen. Ekologııa, geologııa jáne tabıǵı resýrstar vıtse-mınıstri Álııa Shalabekova osy tájirıbeni otandyq mamandar zerttep jatqanyn aıtady, dep habarlaıdy QazAqparat tilshisi.

Uqsas jańalyqtar
Mańǵystaýlyq belsendiler Ybyqtysaı shatqalynan 3 tonna qoqys shyǵardy Respýblıka boıynsha 4 763 ruqsat etilmegen qoqys úıindisi anyqtaldy «Dostyq» kanalynyń qazaqstandyq bóligine jiberiletin sý kólemi ulǵaıdy – Ekologııa mınıstrligi

«Shyn máninde, bul keshendi másele jáne tek bizde ǵana qalyptasqan problema emes. Ótken aptada bizdiń delegatsııa Ózbekstandaǵy sekseýil egý tájirıbesimen tanysyp qaıtty. 1 mln 200 gektar jerge egilgen sekseýil tamyr alyp, jersinip ketken. Keıbir eldi mekenderde ótip jatqan bir rettik aktsııalar jaqsy nátıje berýi úshin biz de osyndaı tájirıbeni qabyldaýymyz kerek. Shańdy quıyndardyń zardabynan qutylý úshin jappaı sekseýil otyrǵyzý qajet. Qazir bizdiń mınıstrlikte bul máseleni júıeli túrde sheshý úshin baǵdarlama ázirlenip jatyr. Sekseýil egýdiń birneshe tásilin qoldanbaqshymyz. Áýeden tuqym shashý, mehanıkalyq tásilmen egý qatar qoldanylady», - dedi vıtse-mınıstr.

Vedomstvo ókili sekseýildi qorǵaý máselesine de toqtaldy.

«Qazir Májiliste «Ósimdikter álemi týraly» zań jobasy qaralyp jatyr. Sol zań qabyldansa, ósimdikterdi qorǵaý salasy retke keler edi. Zań búkil qoǵamnyń ósimdikterdi ósirý jónindegi jaýapkershiligin, mindeti men quqyqtaryn aıqyndaıdy. Biz qazir osy baǵytta jumys istep jatyrmyz», - dedi Álııa Shalabekova.

Orman sharýashylyǵy jáne janýarlar dúnıesi komıteti tóraǵasynyń mindetin atqarýshy Erlan Qutpanbaevtyń aıtýynsha, vıtse-mınıstr aıtyp otyrǵan joba 2030 jylǵa deıin iske asyrylady.

«Araldyń qańsyǵan tabanynda sekseýil egý 1980 jyldan bastap júrgizilip keledi. Búginge deıin ondaǵy ormandy alqaptyń jalpy kólemi 337 myń gektardan asty. Kóktemde arnaıy ekspedıtsııa uıymdastyryldy. Ekspedıtsııa músheleri qańsyǵan alqaptardyń birazyn aralap ótti. Qazirgi ýaqytta izdestirý jumystary júrgizilip jatyr. Ormanǵa jaramdy jerlerdiń bári izdestirý jumystarynan keıin anyqtalady. 2030 jylǵa deıin 1 mln gektardan astam jerge sekseýil egý josparlanǵan», - dedi ol.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT