Sybaılas jemqorlyqqa qarsy sharalar

1. Qoǵamdyq qatynastar salasynyń ataýy

1. Qyzmet salasy: buqaralyq aqparat quraldary.
2. Túrleri: Agenttiktiń saıtynda jańalyqtar aqparattaryn ornalastyrý, baǵdarlamalyq qamtamasyz etýdi ázirleý, baǵdarlamalyq qamsyzdandyrý, aqparattyq tehnologııalar salasyndaǵy keńes berý jáne praktıkalyq qyzmetter, memlekettik elektrondyq aqparattyq resýrstar men júıelerdi qalyptastyrý jáne damytý sheńberinde aqparattyq-kommýnıkatsııalyq ınfraqurylymdy basqarý boıynsha qyzmet, derekterdi ornalastyrý jáne óńdeý qyzmetteri, veb-portaldar.

2. Sybaılas jemqorlyqqa qarsy standartyn ázirleýshiniń ataýy

3. «Qazaqparat» halyqaralyq aqparattyq agenttiginiń» (ári qaraı - Agenttik), ákimshilik jáne kadrlar bólimi.

3. Qoǵamdyq qatynastardyń ońasha salasynda jumys isteıtin tulǵalardyń minez-qulyq (áreket) erejeleri

4. Jemqorlyqqa qarsy standart júretin saladaǵy jeke jáne zańdy tulǵalardyń quqyqtary men zańdy múddelerin iske asyrý kezinde, Agenttik qyzmetkerleri:
1) zańdylyq ustanymyn, Konstıtýtsııa talaptaryn, Qazaqstan Respýblıkasynyń zańdary men basqa da normatıvtik quqyqtyq aktilerin basshylyqqa alýǵa, jemqorlyqqa qarsy zańnamany qatań saqtaýǵa;
2) múddeler qaqtyǵysy týyndaýynyń kez kelgen múmkindigine jol bermeý sharalaryn qoldanýǵa;
3) jeke jáne zańdy tulǵalardyń ózderiniń quqyqtary men zańdy múddelerin iske asyrýyn qıyndatatyn áreketke (áreketsizdikke) jol bermeýge;
4) ózderiniń laýazymdyq ýákiletterin jáne ózine baılanysty múmkindikterdi jeke múliktik jáne múliktik emes paıda tabýǵa paıdalanbaýǵa;
5) joǵary kásibı qyzmet júrgizý úshin bar kúshin jumsaýǵa, qoıylǵan mindetterdi sheshýdiń qolaıly, únemdi jáne basqa da quzyretti tásilderin qoldanýǵa;
6) qyzmettik mindetterin tıimdi oryndaý úshin únemi óziniń kásibı deńgeıi men biligin arttyryp otyrýǵa;
7) jeke jáne zańdy tulǵalardyń ótinishterin qaraýda qyzmetin teris paıdalaný, negizsiz bıýrokratızmge jáne keńseshildik, sondaı-aq dórekilik jáne burmalaýshylyq jaǵdaılaryna jol bermeýge;
8) jeke jáne zańdy tulǵalardyń quqyqtarynyń, erkindikteriniń jáne zańdy múddeleriniń saqtalýyn jáne qorǵalýyn qamtamasyz etý;
9) joǵary quqyqtyq jáne jemqorlyqqa qarsy mádenıetti ustanýǵa jáne áriptesterinen talap etýge mindetti.

4. Óz quzyretteri aıasynda basqarý jáne basqa da sheshimder ázirleý jáne daıyndaý kezinde Agenttik jumysshylary:

5. Qazaqstan Respýblıkasynyń zańnamasyn saqtaýǵa;
6. qyzmettik qupııany jáne qupııalylyqtyń saqtalýyn qamtamasyz etýge;
7. kásibı (qyzmettik) etıkany saqtaýǵa;
8. ózin basqa tulǵalardyń jemqorlyq quqyqbuzýshylyqtardy jasaýǵa úgittegende Agenttik basshylyǵyn, ýákiletti memlekettik organdardy jazbasha túrde jyldam habardar etýge;
9. eńbek tártibin múltiksiz oryndaýǵa, berilgen ýákiletterdi tıimdi paıdalanýǵa; óziniń qyzmettik mindetterin burmalaýsyz, adal, sapaly oryndaýǵa, jumys ýaqytyn utymdy paıdalanýǵa;
10. laýazymdyq mindetterin oryndaý kezinde jeke jáne zańdy tulǵalarǵa basymdyq bermeýge, olardyń yqpalynan táýelsiz bolýǵa;
11. jeke sıpattaǵy máselelerdi sheshý kezinde qyzmettik jaǵdaıyn memlekettik organdardyń, uıymdardyń jáne basqa da tulǵalardyń qyzmetine yqpal etýge paıdalanbaýǵa;
12. úshinshi tulǵalardyń múddelerin usynýdan, tyqpalaýdan aýlaq bolýǵa, olardyń atynan áreket etýden saqtanýǵa;
13. basqa memlekettik organdardyń, uıymdardyń jáne kásipkerlik sýbektileriniń qyzmetine zańsyz aralaspaýǵa;
14. áriptester men basshylarǵa olardyń qaltqysyz qyzmettik sheshimder qabyldaýyna áser etýi múmkin, ózara qarym-qatynastardyń belgilengen tártibin buzatyn ótinishtermen júginýden saqtanýǵa mindetti.

5. Normatıvtik quqyqtyq aktiler jobalaryn ázirleý kezinde Agenttik jumysshylary:

15. ishki quqyqtyq qujattardyń jobalaryn múddeli qurylymdyq bólimshelerge, sol jobaǵa kelisim alý úshin túsinikteme jazbasyn mindetti túrde qosymsha ete otyryp jiberýge;
16. ishki quqyqtyq qujattardyń jobalaryn, olardyń qoldanystaǵy zańnamaǵa sáıkestigin tekserý maqsatynda zańdy saraptama júrgizý úshin quqyqtyq jáne kadrlyq qamtamasyz etý jónindegi basqarmaǵa jiberýge mindetti.

6. Tirshilik áreketi salasynyń ereksheligine baılanysty týyndaǵan basqa ózara qarym-qatynastar kezinde Agenttik jumysshylary:

17. jeke jáne zańdy tulǵalardyń quqyqtarynyń, erkindikteriniń jáne zańdy múddeleriniń saqtalýyn jáne qorǵalýyn qamtamasyz etýge, olardyń ótinishterin Qazaqstan Respýblıkasynyń zańnamasynda bekitilgen tártippen jáne merzimde qaraýǵa jáne olarǵa qatysty tıisti sharalardy qabyldaýǵa;
18. baǵynyshty jumysshylarǵa qatysty negizsiz aıyptaýlarǵa, dórekilik faktilerine, adamı qundylyqtaryn kemsitýge, ádepsizdikke, ojarlyqqa jol bermeýge;
19. basshylardyń tapsyrmalaryn oryndaý protsesinde tek obektıvti ári senimdi málimetterdi berýge;
20. múliktiń saqtalýyn qamtamasyz etýge, menshikterdi tıimdi, utymdy jáne tek qyzmettik maqsattarda paıdalanýǵa;
21. ujymda isker qarym-qatynastardy jáne konstrýktıvti yntymaqtastyqty ornatýǵa jáne nyǵaıtýǵa qolǵabys etýge;
22. ózderine belgili bolǵan jemqorlyq quqyqbuzýshylyq faktileri týraly basshylyqqa nemese ýákiletti organǵa jyldam habar berýge mindetti.

7. Basqa shekteýler men tyıymdar

23. Qazaqstan Respýblıkasynyń Konstıtýtsııasyn jáne zańnamasynyń talaptaryn saqtaý.
24. Qazaqstan Respýblıkasynyń zańdarymen beklgilengen shekteýlerdi saqtaý.
25. basshylyqtyń olardyń laýazymdyq ýákiletteri aıasynda bergen buıryqtary men tapsyrmalaryn oryndaý.
26. «Sybaılas jemqorlyqqa qarsy is-qımyl týraly» № 410-V Zańnyń 12-babynyń 1-tarmaǵynyń 4) tarmaqshasyna sáıkes, óziniń laýazymdyq mindettemeleri men fýnktsııalaryn oryndaǵany úshin zańdy jáne jeke tulǵalardan aqshalaı qarajattar, qyzmetter, syılyqtar, taýarlar nemese basqa turdegi syıaqylar almaý.
27. basqa tulǵalardy jemqorlyq quqyqbuzýshylyqtaryn jasaýǵa úgittemeý jáne jasaǵany úshin yntalandyrmaý.
28. taratýǵa jatpaıtyn qyzmettik jáne basqa aqparattardy múliktik nemese múliktik emes ıgilikterdi jáne artyqshylyqtardy alý maqsatynda paıdalanbaý.