Qasym-Jomart Toqaev Máskeýge keldi
2022 jylǵy 15 mamyr 23:43

Qasym-Jomart Toqaev Máskeýge keldi

MÁSKEÝ. QazAqparat - Memleket basshysy Qasym-Jomart Toqaev Máskeýge keldi, dep habarlaıdy QazAqparat Aqordanyń baspasóz qyzmetine silteme jasap.

«Reseı Prezıdenti Vladımır Pýtınniń jáne UQShU Ujymdyq qaýipsizdik keńesiniń tóraǵasy, Armenııa Premer-mınıstri Nıkol Pashınıannyń shaqyrýymen Ujymdyq qaýipsizdik shartyna qol qoıylǵanyna 30 jyl jáne Uıymnyń qurylǵanyna 20 jyl tolýyna oraı ótetin mereıtoılyq sammıtke qatysý úshin Máskeýge keldi», - delingen habarlamada.

Uıymnyń is-sharasy erteń, 16 mamyr kúni Kremlde ótedi.

Aıta keteıik, búgin Q.Toqaev BAÁ Prezıdenti sheıh Halıfa ben Zaıd Ál Nahaıannyń qaıtys bolýyna baılanysty osy eldiń jańadan saılanǵan Prezıdenti, Abý Dabıdiń bıleýshisi sheıh Muhammed ben Zaıd Ál Nahaıanǵa jáne bıleýshi áýlettiń músheleri men Ámirlikter halqyna kóńil aıtý úshin Birikken Arab Ámirlikterine barǵan bolatyn.


Uqsas jańalyqtar

Jańalyqtar

MURAǴAT