USD 436.29 EUR 492.83
RUB 5.92 CNY 68.48
Jańalyqtar

Qarýly Kúshterdiń áskerı bólimderine dańqty qolbasshylardyń esimderi berildi

2021 jylǵy 2 qazan 13:36
Bólisińiz:
Qarýly Kúshterdiń áskerı bólimderine dańqty qolbasshylardyń esimderi berildi

NUR-SULTAN. QazAqparat – QR Qarýly Kúshteriniń áskerı bólimderine dańqty qolbasshylardyń esimderi berildi, dep habarlaıdy QazAqparat mınıstrliktiń baspasóz qyzmetine silteme jasap.

Baspasóz qyzmetiniń málimetterine qaraǵanda, Qorǵanys mınıstriniń dırektıvasymen 37-shi desanttyq-shabýyldaý brıgadasyna Keńes Odaǵynyń Batyry, general-maıor Ivan Panfılovtyń esimi, 5-shi mehanıkalandyrylǵan brıgadaǵa Keńes Odaǵynyń Batyry, Halyq Qaharmany polkovnık Baýyrjan Momyshulynyń esimi berildi.

Bul áskerı bólimderge batyrlardyń esimderi kezdeısoq tańdalǵan joq. Almaty oblysynda 37-shi desanttyq-shabýyldaý brıgadasy ornalasqan. Ol jerde 1941 jyldyń jazynda general-maıor Ivan Panfılovtyń basshylyǵymen el aýzynda «Panfılovshylar» atymen belgili 316-shy atqyshtar dıvızııasy quryldy.

5-shi mehanıkalandyrylǵan brıgada bolsa Taraz garnızonynda, bul Jambyl oblysy Jýaly aýdanynyń týmasy, ataqty qolbasshy Baýyrjan Momyshuly týǵan aımaqta ornalasqan.

Bundaı ıgi bastamany áskerı bólimderdiń jeke quramy men Qorǵanys mınıstrliginiń basshylyǵy tutastaı qoldaǵan bolatyn. Qorytyndy oń sheshimdi Úkimet janyndaǵy respýblıkalyq onomastıka komıssııasy shyǵardy.

«Áskerı bólimderge jaýynger qolbasshylardyń esimderin berý fashızmdi jeńýge, áskerı ǵylymdy, taktıkany jáne shuǵyl urys ónerin damytýǵa eleýli úles qosqan aty ańyzǵa aınalǵan qolbasshylardy jadymyzda máńgi saqtaýǵa jáne jaýyngerlik dástúrdiń sabaqtastyǵyn jalǵastyrýǵa yqpal eteri sózsiz»,-delingen habarlamada
Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT