Karantın sharalary oryndalmasa oqýshylar onlaın oqıdy - DSM
2022 jylǵy 25 qańtar 09:47

Karantın sharalary oryndalmasa oqýshylar onlaın oqıdy - DSM

NUR-SULTAN. QazAqparat – Oqýshylardyń arasynda syrqattanýshylyqtyń kúrt ósýine jol bermeý úshin sanıtarııalyq-epıdemıologııalyq talaptardyń saqtalýyn qamtamasyz etý qajet. Bul týraly búgin Úkimet otyrysynda QR Densaýlyq saqtaý mınıstri Ajar Ǵınııat aıtty, dep habarlaıdy QazAqparat tilshisi.

«Halyqaralyq tájirıbeni eskere otyryp jáne eldegi kúrdeli epıdemıologııalyq jaǵdaıǵa baılanysty Bilim jáne ǵylym mınıstrligi men Birikken ulttar uıymy Balalar qorynyń usynymdary boıynsha bilim berý uıymdarynda oqytý formaty qaıta qaraldy. Máselen, barlyq mektepke deıingi uıymdar, bastaýysh synyp jáne qýaty 600 oqýshyǵa deıingi mektep shtattyq formatta jumys jasaıdy», - dedi Ajar Ǵınııat.

Mınıstrdiń atap ótýinshe, 600-den astam oqýshysy bar bilim berý uıymdarynda toltyrý 50 paıyzdan aspaý kerek. Bastaýysh mektep oqýshylary shtattyq rejımde bilim alady. Bul rette oqytý formatyn tańdaý kezinde mindetti túrde vaktsınalaýmen qamtý deńgeıi eskeriledi. Al joǵary oqý oryndary men kolledjderde de saralanǵan tásil engizilgen: lektsııalar – onlaın, qalǵan sabaqtar ıkemdi keste boıynsha shtattyq rejımde ótedi.

«Bul rette, balalardyń arasynda da JRVI men KVI-den syrqattanýshylyqtyń 1,3 ese kóbeıip otyrǵanyn eskerip, sanıtarııalyq-epıdemıologııalyq qadaǵalaý organdary karantındik sharalardyń oryndalýyna monıtorıngini jalǵastyratynyn jáne buzýshylyqtar anyqtalǵan jaǵdaıda, oqytý onlaın formatqa aýystyrylatynyn atap ótken jón. Osyǵan baılanysty, oblystardyń, Almaty, Nur-Sultan jáne Shymkent qalalarynyń ákimdikteri oqýshylardyń arasynda syrqattanýshylyqtyń kúrt ósýine jol bermeý úshin bilim berý uıymdarynda sanıtarııalyq-epıdemıologııalyq talaptardyń saqtalýyn qamtamasyz etýi qajet», - dedi ol.


Jańalyqtar

MURAǴAT