USD 434.84 EUR 498.2
RUB 5.72 CNY 68.47
Jańalyqtar

Injenerlik qurylystardyń edáýir bóligi seısmıka talaptaryna saı emes

2021 jylǵy 6 jeltoqsan 17:00
Bólisińiz:
Injenerlik qurylystardyń edáýir bóligi seısmıka talaptaryna saı emes

NUR-SULTAN. QazAqparat - Májilis Tóraǵasynyń orynbasary, depýtat Balaım Kesebaeva azamattyq qorǵaý salasyndaǵy problemalar men tótenshe jaǵdaılardyń aldyn alý máselelerin atady, dep habarlaıdy QazAqparat tilshisi.

Uqsas jańalyqtar
QR Prezıdenti Qorǵanys mınıstrliginiń basshylyq quramymen keńes ótkizdi UQShU elderi Qazaqstanǵa der kezinde qoldaý kórsetti – Qorǵanys mınıstrligi Qazaqstan aýmaǵynda UQShU bitimgerlik kontıngentiniń qandaı jasaqtary jumys istedi

«Birinshiden, eldiń seısmıkalyq qaýipti aýdandarynda ónerkásiptik áleýettiń 40 paıyzdan astamy shoǵyrlanǵan jáne el halqynyń jartysyna jýyǵy turady. Bul rette seısmıkalyq qaýipti aýdandardaǵy ónerkásiptik jáne azamattyq ǵımarattardyń, ınjenerlik qurylystardyń edáýir bóligi seısmıkalyq turaqtylyq talaptaryna saı kelmeıdi. Ekinshiden, respýblıkada sý tasqynynyń áserine ushyraýy yqtımal 925 qaýipti ýchaske bar, onyń ishinde 189 eldi mekenge erigen qar sýy qaýip tóndiredi. Aımaqtarda qajetti aldyn alý ınjenerlik is-sharalaryn júrgizý boıynsha maqsatty jumystardyń bolmaýy sý basýdan keletin zalaldy azaıtýǵa kedergi keltiredi», - dedi B. Kesebaeva Májilistegi «Azamattyq qorǵaý júıesin damytý týraly» taqyrybyndaǵy Úkimet saǵatynda.

Onyń aıtýynsha, osynyń saldarynan shuǵyl sharalar qabyldaýǵa jáne sý tasqyny men sý basýdyń saldaryn joıýǵa, zardap shekken halyqqa keltirilgen materıaldyq zalaldy óteýge olardyń aldyn alýǵa qaraǵanda áldeqaıda kóp qarajat jumsalady.

«Respýblıka aýmaǵynda sel, shógý jáne kóshkin qaýpi bar ýchaskeler sany artýda. Respýblıkanyń taýly aýdandarynda qar jamylǵysynyń jaı-kúıin baqylaý jelisiniń jetkilikti damymaýy kóshkin qaýpin boljaý sapasyn tómendetedi. Shógý qaýpi boıynsha monıtorıng jáne ǵylymı zertteýler álsiz júrgizilýde. Ǵımarattar salýǵa tyıym salý, turǵyndardy qaýipti aımaqtardan kóshirý, tıimdi qorǵaný qurylysjaılaryn salý jónindegi sheshimder oryndalmaı otyr», - dedi depýtat.

Sonymen qatar B. Kesebaeva asa qaýipti ınfektsııalardyń tabıǵı oshaqtary aýdanynyń aýqymdy bolýy aıtarlyqtaı problema bolyp otyrǵanyn atap ótti. Jyl saıyn kóktemgi-jazǵy kezeńde epıdemıologııalyq ahýal shıelenise túsedi.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT